Siońnia sud adchiliŭ chadajnictva ab pryznańni niezakonnaj departacyi z krainy pratestanckaha śviatara Jarasłava Łukasika. Tym časam pratestanty pačali ŭsieahulny trochdzionny post. Jon skončycca 17 červienia supolnaj malitvaj u abaronu svabody sumleńnia. Ale ŭ Miensk dziela malitvy pratestanty vyrašyli nie źjaždžacca, kab paźbiehnuć kanfliktu z uładami.
Pieršaja supolnaja malitva, što adbyłasia 3 červienia la carkvy «Łaska Božaja» ŭ Miensku sabrała piać tysiačaŭ viernikaŭ. A 17 červienia, kaža juryst Chryścijanskaj poŭnaevanhielskaj carkvy «Novaje žyćcio» Siarhiej Łukanin, z usioj krainy mohuć źjechacca bolš za dziesiać tysiač čałaviek. I jany paprostu nia źmieściacca na placoŭcy pierad carkvoju. «Tamu, — kaža sp.Łukanin, — anansavanaja na minułym tydni ahulnanacyjanalnaja malitva pratestantaŭ adbudziecca ŭ inšym farmacie. Kab nie było kanfliktu z haradzkimi ŭładami, pryniataje rašeńnie ab praviadzieńni adnačasovaj ahulnanacyjanalnaj malitvy, u jakoj prymie ŭdzieł kala tysiačy pamiesnych cerkvaŭ, kožnaja ŭ svaim prychodzie».
Pieršaja ahulnanacyjanalnaj malitva sabrała 3 červienia kala carkvy «Božaja Łaska» 5000 evanhielskich chryścijanaŭ. Malitoŭny schod byŭ adkazam na cisk uładaŭ na supołku «Jan Pradvieśnik».
Miž tym siońnia, 15 červienia, Miadzielski rajonny sud paličyŭ zakonnym rašeńnie Miadzielskaha RUUS pra anulavańnie vida na žycharstva śviatara supołki «Jan Pradvieśnik» Jarasłava Łukasika, 6 červienia departavanaha ź Biełarusi. Ciaham piaci nastupnych hadoŭ jamu zabaronieny ŭzied u Biełaruś. U Biełarusi zastajecca jaho žonka i troje dziaciej. Žonka Łukasika Natalla rychtujecca padać skarhu ŭ Mienski abłasny sud.
Supolnaść Jana Chryściciela nia pieršaj papała pad cisk. U carkvy «Novaje Žyćcio» adbirajuć budynak.
27 traŭnia padčas śviatočnaha słužeńnia byŭ zatrymany pastar Anton Bokun, abvinavačany ŭ praviadzieńni niesankcyjanavanaha słužeńnia. Paźniej sudździa Leanid Jasinovič aštrafavaŭ pastara na 20 bazavych adzinak (620 tys. rubleŭ). 3 červienia Anton Bokun byŭ zatrymany iznoŭ i asudžany na 3 sutak aryštu.
Ad 22 krasavika raspačaŭsia zbor podpisaŭ za admienu zakonu ab svabodzie sumleńnia. Vierniki patrabujuć źmiakčeńnia rehistracyjnych normaŭ i palohak dla prapaviedavańnia. U kampanii biaruć udzieł pratestanty, a taksama źviazanyja ź niezaležnym hramadztvam kataliki i pravasłaŭnyja. Pa stanie na pačatak miesiaca pad petycyjaj padpisałasia bolš za 16 tysiačaŭ čałaviek. Podpisy majuć być pieradadzienyja ŭ Kanstytucyjny sud.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary