Z usioj krainy

Z usioj krainy

Vyraklisia baćki

26 žniŭnia dva siabry BPSM u Dziatłavie (Haradzienščyna) u znak pratestu suprać padtrymki hetaj arhanizacyjaj na prezydenckich vybarach A.Łukašenki spalili na prystupkach rajkamu BPSM svaje paśviedčańni j dałučylisia da dziatłaŭskaj supołki Maładoha Frontu.

Źmicier Čarhniel, Dziatłava

Studentaŭ u pušču

Administracyja mienskich VNU ciškom vydalaje studentaŭ z horadu na čas vybaraŭ. Tak, Universytet kultury vypraŭlaje studentaŭ na praktyku z 6 da 12 vieraśnia. Na čas vybaraŭ internat začyniajecca na ramont — studenty nia ź Miensku buduć vymušanyja źjechać dachaty i prahałasavać daterminova abo admovicca ad udziełu ŭ hałasavańni. Na 10 vieraśnia zaplanavanaja abaviazkovaja ekskursija studentaŭ u Nalibockuju pušču.

B.T.

FM-Homiel

Pazaŭčora Homielskaje haradzkoje radyjo vyjšła ŭ eter u FM-dyjapazonie. Dahetul jano viaščała tolki pa pravadnoj sietcy. Štodzionny abjom viaščańnia składzie 6 hadzinaŭ: uranku i ŭviečary. Heta druhaja FM-stancyja ŭ Homieli. Radyjo-ekspres “Homielskaja chvala” była adkrytaja 13 žniŭnia abłasnym teleradyjoabjadnańniem. Pryvatnych niama.

Pavodle BiełaPAN

Paciarpiełyja za Biełaruś

25 žniŭnia ŭ Babrujsku zatrymali “zubroŭcaŭ” Vitala Kraśnieŭskaha, Eduarda Hraniavieckaha j Alaksandra Fiadoćjeva. Ranicaj 25 žniŭnia ŭ Viciebsku byŭ zatrymany hałoŭny redaktar hazety “Vitiebskije diełovyje novosti” Ihar Nieścieraŭ, jaki nios dachaty kamputarny dysk z novym numaram hazety. Jaho vinavaciać u supraciŭleńni rabotnikam milicyi j drobnym chulihanstvie. 27 žniŭnia tamsama byŭ zatrymany aktyvist KCHP-BNF Uładzimier Pleščanka. U Hłybokim 27 žniŭnia za raspaŭsiudžvańnie nalepak zatrymali dvuch “zubroŭ”-Źmitroŭ: Łupača i Kurceviča. U Čerykavie byli zatrymanyja dva nieviadomyja vałanciory vybarčaha štabu adzinaha kandydata. Znojdzienaja pry ich ahitacyjnaja pradukcyja kanfiskavanaja. U Mahilovie “zubroŭcy” sprabavali prajści ŭ budynak abłvykankamu, dzie adbyvałasia admysłovaja narada. U vyniku ŭ roznych pastarunkach horadu apynulisia 23 čałavieki, jakich, štopraŭda, amal adrazu paadpuskali. 28 žniŭnia ŭ Mahilovie padčas akcyi “Łancuh nieabyjakavych ludziej” byli zatrymanyja sp.Kalita, Sielivanaŭ i Nadzieja Sulejmanava (apošniuju buduć sudzić siońnia). U Klimavičach za pieradvybarčuju ahitacyju była zatrymanaja Halina Vasilčanka. Staršynia Klimavickaha rajvykankamu Kanavałaŭ hvałtoŭna zaciahnuŭ jaje ŭ słužbovy aŭtamabil “Vołha”, advioz u Klimavicki RAUS i “zdaŭ” milicyjantam. U Ašmianie za pieradvybarčuju ahitacyju zatrymali Piatra Javidoviča. U Miensku 31 žniŭnia, padčas performansu “Dzień nieviadomaha zampalita”, zatrymanyja maładafrontaŭcy Aleś Paciejeŭ, Michaś Šaŭcoŭ, Andrej Dzienisievič, Viktoryja Radzijeŭskaja i Viktar Prastakoŭ, a taksama sacyjał-demakraty Mikoła Pryvarnikaŭ dy Siarhiej Marcaleŭ. U Mahilovie milicyjanty trojčy zatrymlivali lidera miascovych “zubroŭ” Jaŭhiena Drabiezku. I kožny raz adpuskali – nie było da čaho pryčapicca. U Babrujsku zatrymali Irynu Kačan, Tacianu Maškoŭskuju i Vadzima Lisoŭskaha, jakija vystavili pikiet u padtrymku adzinaha kandydata. 1 vieraśnia ŭ Miensku byli zatrymanyja “dla pravierki dakumentaŭ” Aleś Bialacki, Hienadź Talaronak, Aleś Katlaroŭ i Pavał Sieviaryniec. U toj samy dzień padčas futbolnaha matču Biełaruś–Ukraina byli źbityja milicyjantami zaŭziatary-maładafrontaŭcy Ivan Tamaševič, Źmicier Kaśpiarovič, Aleh Krulakoŭski, Michał Šaramiet, Vital Košaleŭ, Michaś Šaŭcoŭ, Dzianis Marchatok, Viktar Šlachcin, Aleś Paŭłaŭ, Aleś Ramančuk, Siarhiej Sadziukovič, Vasil Makiejeŭ, Mikałaj Hulecki, Źmicier Proškin, Jaŭhien Ivaškievič, Cimoch Atroščanka, Aleś Vasileŭski, Vadzim Sarančukoŭ.