Litva mianiaje ściah
Litoŭskaja Hieraldyčnaja kamisija źviarnułasia ŭ Sojm Litvy z prapanovaj uzakonić staražytny ściah VKŁ i staražytnuju vyjavu Vialikaha hierbu VKŁ ŭ jakaści dziaržaŭnych symbalaŭ sučasnaj Litvy. Prapanavany ściah całkam čyrvony ź biełaj vyjavaj Pahoni.
Vieršnik trymaje čorny ščyt z žoŭtym kryžam, a chvost kania ŭźniaty ŭvierch. U histaryčnaj symbolicy, što była pryniataja ŭ Biełarusi, chvost kania apuščany ŭniz (jak na viadomym malunku 1575 h.). Na ŭsich vyjavach Pahoni ŭ ciapierašniaj dziaržaŭnaj symbolicy Litvy chvost kania apuščany ŭniz. Uzakonić novy ściah možna tolki praz referendum.
Kolery i atrybutyka staražytnaha ściahu VKŁ užo vykarystoŭvalisia ŭ sučasnaj Litvie padčas stvareńnia ściahoŭ prezydenta Litvy, ściahu vajskovaha flotu, inšych vajskovych farmavańniaŭ.
Pavodle 1-ha artykułu dziejnaj Kanstytucyi Litvy, jaje dziaržaŭny ściah — trochkolerny, z žoŭtaha, zialonaha j čyrvonaha pasaŭ. U litoŭskich medyjach i ŭ Internecie tym časam užo źjaŭlajucca artykuły pra padabienstva ciapierašniaha litoŭskaha trykaloru da ściahoŭ afrykanskich krainaŭ — maŭlaŭ, jak Litvie iści ŭ Eŭraźviaz sa štandaram, jaki nahadvaje ściahi Senehału, Malavi ci Konha.
Prajekt novaha dziaržaŭnaha ściahu, stvorany mastakom Arvidasam Každajlisam, ekspanujecca ŭ faje Sojmu, a ŭ Internecie vyjavy ściahu jość na staronkach infarmacyjnych ahiencyjaŭ JeLTA, BNS, DJeLFI.
Taciana Pokład, Vilnia
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm18
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3434
Kamientary