kala futbołu
Małafiejeŭ zhulaŭsia z Kanaplovym
Sensacyjnaja papiera lahła ŭ piatnicu na stoł kiraŭniku Biełaruskaj federacyi futbołu Ryhoru Fiodaravu: hałoŭny trener nacyjanalnaj zbornaj Eduard Małafiejeŭ paviedamiŭ, što składaje ź siabie paŭnamoctvy i sychodzić u adstaŭku ŭ suviazi z paharšeńniem stanu zdaroŭja, vychadam na pensiju i nehatyŭnym staŭleńniem da jaho niekatorych ŚMI. U niadzielu z hetaj nahody była sabranaja ekstrannaja narada federacyi futbołu. Adstaŭka Małafiejeva pryniataja nie była, a kiraŭnictvu federacyi i Ministerstva sportu było daručana sustrecca ź im i pierakanać źmianić rašeńnie. Da startu Biełarusi ŭ adboračnym turniry čempijanatu Eŭropy zastavałasia šeść dzion...
Zvyšekspresiŭny charaktar hałoŭnaha trenera zbornaj daŭno viadomy, i takija ŭčynki — u jahonym styli. Adrazu ž źjavilisia raznastajnyja versii, tym bolš što ŭ pres-słužbie federacyi futbołu ničoha, što praliło b śviatło na padziei, nie paviedamlali.
Pieršaja ź vierahodnych versijaŭ — Małafiejevu prapanavali kantrakt ź niejkim zamiežnym klubam na vielmi vyhodnych finansavych umovach (viadoma, što ŭ BFF superhrošaj niama). Druhaja — Małafiejeŭ paśla šerahu pieramohaŭ nacyjanalnaj zbornaj i ŭzdymu rejtynhu spužaŭsia vierahodnaha pravału ŭ startavych hulniach adboračnaha turniru. Jašče kazali, što hałoŭny trener pałajaŭsia z kiraŭnictvam federacyi padčas apošniaj skandalnaj spravazdačna-vybarčaj kanferencyi, jakuju pieranieśli na zimu. Ale samaj blizkaj da praŭdy ŭrešcie vyjaviłasia versija pra zvyčajny emacyjny zryŭ.
Zbornaja napiaredadni adkaznaj hulni apynułasia ŭ stanie, blizkim da šokavaha. I jakija b pryčyny “psichanuć” ni byli ŭ Małafiejeva, apraŭdacca jamu ŭ vyniku sychodu było b naŭrad ci mahčyma.
U paniadziełak uviečary ŭ Miensk na pieršuju treniroŭku sabralisia hulcy nacyjanalnaj zbornaj, ale Małafiejeŭ nie źjaviŭsia i pravodziŭ jaje inšy trener — Valery Stralcoŭ. U aŭtorak Małafiejeŭ źjaviŭsia na ranišniuju treniroŭku zbornaj, ale nijakich abiacańniaŭ nakont dalejšaj pracy nie davaŭ. Ułahodzić jaho zdoleli tolki ŭradoŭcy na čale ź vice-śpikieram pałaty pradstaŭnikoŭ Uładzimieram Kanaplovym. Paśla razmovy z budučym kaleham (ziamlak Łukašenki Kanaploŭ maje zrabicca prezydentam BFF zamiest Ryhora Fiodarava), trener razdumaŭ kidać zbornuju. I žurnalistam taksama daravaŭ. Praŭda, u vyniku chvalavańniaŭ u sieradu loh u bolnicu z hipertaničnym kryzam.
Alaksiej Šydłoŭski
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm14
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary