«Irak nia choča razzbrojvacca, jon chutčej niešta chavaje», — śćviardžaje na staronkach «Ńju-Jork Tajmz» Kandaliza Rajz, daradca prezydenta ZŠA pa pytańniach nacyjanalnaj biaśpieki. U artykule, jaki faktyčna źjaŭlajecca kanspektam da debataŭ pra Irak u Radzie Biaśpieki AAN, Rajz dakazvaje, što bahdadzki režym zajmajecca machlarstvami.
| FOTA REUTERS |
Na dumku Rajz, znachodka inspektaraŭ — 12 rakietaŭ z pustymi chimičnymi bojehałoŭkami — vielmi tryvožny syhnał. Bo ŭ minułym Irak načyniaŭ takija bojehałoŭki zarynam — mienavita tym hazam, jaki japonskaja sekta «Najvyšejšaja praŭda» skarystała ŭ 1995 h. u takijskim metro, kali zahinuła 12 čałaviek.
Hałoŭnaja asoba ŭ Biełym domie, adkaznaja za parady prezydentu ŭ spravie Iraku, pytajecca: «Ci Sadam narešcie zhadziŭsia razzbroicca dobraachvotna?» — i sama adkazvaje: «Nie».
Dalej jana piša: «Krainy, jakija navažylisia pazbavicca zbroi masavaha źniščeńnia, sami nakiroŭvajuć inspektaraŭ u miescy, dzie pradukavałasia j zachoŭvałasia takaja zbroja. Jany publična deklarujuć svajo žadańnie razzbroicca i zaachvočvajuć nasielnictva da supracoŭnictva ź inspektarami. Tak heta było ŭ Paŭdniova-Afrykanskaj Respublicy, Ukrainie i Kazachstanie».
Jak kaža Rajz, pazycyja Iraku całkam advarotnaja: «U Iraku pad kiraŭnictvam syna Sadama, Udaja, dziejničaje specyjalnaja arhanizacyja, što zajmajecca vytvorčaściu j zachoŭvańniem zbroi masavaha źniščeńnia. Irackaja śniežańskaja deklaracyja zvodzicca da 12 tys. staronak machlarstva», — robić vysnovu Rajz.
Mienavita taki pohlad na sytuacyju ZŠA ahučyli ŭ AAN, dzie inspektary pradstavili pieršy poŭny rapart pra svaju pracu ŭ Iraku. Bieły dom budzie damahacca ad Rady, kab taja pryznała Irak vinavatym u nievykanańni rezalucyi AAN. Takoje rašeńnie dało b Amerycy zialonaje śviatło dla napadu na Bahdad.
MCH
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada15
Kamientary