U Biełarusi doŭžycca ekanamičny ŭzdym. Dalaravaja cana nieruchomaści raście na 2—3% u miesiac. Takija časy «tłustych karovaŭ» — załataja para i dla seks-industryi. Hramadztva raźniavolvajecca dy prahnie asałodaŭ.Ścirajecca miaža miž zonami soramu j pasiŭnaj zacikaŭlenaści. Voś typovaje pytańnie-adkaz z hazety «Choziajuška», raźličanaj na šyrokija słai chatnich haspadyniaŭ i dačnicaŭ: «Ja zajmajusia analnym seksam. Ci možna pry hetym zaciažarać?» U «Narodnaj voli» Kulinkovič raspaviadaje, što lubić porna, i raić, jakija pornakasety hladzieć. Seks-industryja ŚMI stvaraje seks-idałaŭ. Heta dobra ci drenna?
Heta ŭśviedamlena niepaźbiežna. Seks-idałaŭ Kurnikavu j Eminema, Šadrynu j Čekierasa možna ličyć pryhožymi ci niepryhožymi. Adnak nichto nie navažycca skazać, što hetyja «maralnyja aŭtarytety» zaachvočvajuć moładź da klasavaha ci nacyjanalna-vyzvolnaha zmahańnia, kali karystacca marksisckaj terminalohijaj.10 hadoŭ tamu hetaha nie było (hł. apytańnie na staroncy 5). Prynamsi, u nas. Prynamsi, u takoj stupieni.Kali seks-svaboda robicca modaj i abaviazkam, jana taksama pieratvarajecca ŭ formu niavoli, prytym vielmi žorstkaj. Paŭlo Kaeljo dobra vykazvajecca pra heta ŭ svajoj novaj knizie «Adzinaccać chvilinaŭ» (taho samaha): sapraŭdny seks nia maje ničoha supolnaha z tym, što nam prapanujuć u pracesie jaho pijar-kampanii.Niahledziačy na niaŭchilnuju farmalizacyju relihijaŭ i indyvidualizacyju viery, bolšaść biełarusaŭ pačali svoj «seksualny šlach» paśla dvaccaci. Kali ŭličyć, što mužčyny ŭ nas u siarednim ženiacca ŭ 22—23, a žančyny — u 20—21 hod, dyk i zusim niedaloka ad času viančańnia. Hetyja źviestki vyjaviła apytańnie BiełaPAN (staronka 5). Hary Kumanieckamu, jaki niadaŭna pierabraŭsia z katalickaje Vilni ŭ pravasłaŭny Miensk, nie chapaje koleraŭ i specyjaŭ (staronka 7). Biełaruski seks zastajecca cnatlivym i «pa kachańni». Heta paćviardžaje i daśledavańnie seksualnaha žyćcia ŭ internatach, dzie biełaruski seks zachoŭvajecca ŭ svaim «pieršabytnym stanie» .Jaki ty, sučasny seks? Viečnaja tema novaha numaru «NN».
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca4
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1010
Kamientary