Pierad Novym hodam pierastaŭ isnavać unikalny falklorny teatar «Hościca».
Kiraŭnictva Biełteleradyjokampanii zvolniła ŭsich dziesiacioch supracoŭnikaŭ «z pryčyny skančeńnia kantraktu», pazbaviła teatar pamiaškańnia. Kiraŭnička «Hościcy» Łarysa Simakovič kaža, što na naradzie, dzie prymałasia rašeńnie ab zakryćci «Hościcy», hety krok tłumačyli «niezrazumiełaściu teatru dla narodu». Spn.Simakovič u razhublenaści: «Hościca» nia moža isnavać biez materyjalnaj bazy.
Apošnija dva hady pradusarski centar Biełteleradyjokampanii nie arhanizoŭvaŭ kancertaŭ «Hościcy», nie zdymalisia novyja teleprahramy ź jaje ŭdziełam. Dabračynnyja i samastojna arhanizavanyja teatram kancerty taksama nie ŭchvalalisia. Vyratavać «Hościcu» nia moža navat Śviatłana Zielankoŭskaja, jakaja šmat hadoŭ vystupała tam. Śviatłana kaža, što abaviazana «Hościcy» ŭsim, čaho jana dasiahnuła: «Ja tam naradziłasia jak asoba i jak aktorka».
«Hościca» — adziny ŭ Biełarusi teatar aŭtentyčnaj i archaičnaj muzyki i chareahrafii, jaki pierajšoŭ miažu etnahrafizmu i źviartajecca da hledača na sučasnaj movie tancu madern.
VDz
Kamientary