2002 hod uvojdzie ŭ historyju Nova-Śvieržanskaha lesazavodu, filii AAT «Lesdreŭpram», jak hod vializnych uzrušeńniaŭ. U studzieni kiraŭnictva zvalniaje dyrektara, jaki prapracavaŭ na hetaj pasadzie 16 hadoŭ. Zamiest jaho staviać niejkaha Hrynieviča A.S. Z čaho pačynaŭ Hrynievič? Za niapoŭny hod zvolniŭ šmat pracaŭnikoŭ, spyniŭ cechi, kacielniu.
Kiraŭnictva AAT «Lesdreŭpram» praktyčna ŭsie svaje akcyi ŭ lutym 2002 h. pradaje niejkaj firmie «Biełciažmaš». Były hieneralny dyrektar AAT Ściepanienka V.S. atrymlivaje partfel u ministerskaj struktury («Biellespapierapram»), a Hrynievič — prystojnuju pasadu z dobrym akładam u Babrujsku.
Niekatoryja ludzi sprabavali supraćstajać hetamu, ale ŭsie jany apynalisia za varotami pradpryjemstva. I kudy my tolki ni źviartalisia — skroź adnyja adpiski, što, maŭlaŭ, usio zakonna. Jak dziaciej karmić? Pracaŭładkavacca ŭ maleńkich Stoŭpcach, dy jašče z takim klajmom «paklopnikaŭ», praktyčna niemahčyma.
Dziakuj, znajšłasia choć adna dobraja duša, jakaja nie pastaviłasia abyjakava. Heta deputatka pałaty pradstaŭnikoŭ Abramava Volha. Da jaje źviarnulisia ŭžo ad bieznadziejnaści, nia viedajučy, da jakoha bierahu prybicca. Hetaja mužnaja žančyna pryjaždžała da mianie na sud, damahłasia adnaŭleńnia mianie na zavodzie, pavodle faktaŭ niezakonnaha ŭzbudžeńnia kryminalnych spravaŭ źviartałasia i da ministra ŭnutranych spraŭ, i da načalnika śledčaha kamitetu, i da hieneralnaha prakurora.
Ciapier u nas źjaviłasia nadzieja. Abiacajuć, što zavod budzie pieradadzieny va ŭłasnaść dziaržavy. A ludzi znoŭ atrymajuć pracu. Vielmi budziem spadziavacca. A Volzie Abramavaj praz vašu hazetu chočacca pieradać vializny dziakuj za ŭdzieł, spačuvańnie i dapamohu dy pažadać joj dobraha zdaroŭja i sił. Kab usio heta pieraadoleć. Niezaležna ad taho, jak składziecca naš los.
Alena Siankievič, Stoŭpcy, adpracavała na zavodzie 18 hadoŭ
Ciapier čytajuć
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»47
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2626
Kamientary