Miažu pamiž Mienskam i Vilniaj pravioŭ Stalin. Nikoli raniej jaje nie isnavała. Eŭropa nie skančajecca na miažy, praviedzienaj Stalinym. «Berlinskaja ściana» pamiž Eŭraźviazam i jaho ŭschodnimi susiedziami — źjava absurdnaja, ale ž spatrebiacca hady dla jaje razbureńnia. Da sapraŭdnaha abjadnańnia Eŭropy jašče vielmi daloka.
Praviedzieny na Kipry referendum pa abjadnańni vostrava prynios niečakanyja vyniki: bolšaść kipryjotaŭ prahałasavała suprać planu abjadnańnia, prapanavanaha AAN. Niežadańnie da złučeńnia hreckaje i tureckaje častak vyspy vykazali hreckamoŭnyja kipryjoty (suprać — 75,8%), u toj čas jak tureckamoŭnaja hramada ŭ svajoj bolšaści padtrymała ŭźjadnańnie (64,9% za). Admoŭnyja vyniki referendumu majuć svaje nastupstvy i dla Biełarusi.
Jak viadoma, Kipr naležyć da krain, jakija 1 traŭnia dałučylisia da Eŭraźviazu. Ale ž praz najaŭnaść padziełu vostrava na hreckuju i tureckuju častki «vyspa Afradyty» ŭjaŭlaje saboj samy prablemny vypadak siarod krain-kandydatak. Kanflikt pamiž hreckamoŭnymi i tureckamoŭnymi kipryjotami maje bolš čym 30-hadovuju historyju i dajšoŭ da svajho apahieju ŭ 1974 h., kali vojski Turcyi akupavali paŭnočny Kipr, kab pieraškodzić mahčymamu abjadnańniu vostrava z Hrecyjaj. Z taho času Hrecyja i Turcyja abvinavačvajuć adna adnu, chto ź ich bolš zaminaje vyrašeńniu kanfliktu. Tak ci inakš, vostraŭ byŭ padzieleny na mižnarodna pryznany hreckamoŭny Poŭdzień i niepryznanuju tureckamoŭnuju Poŭnač, demarkacyjnaja linija pamiž jakimi achoŭvałasia sałdatami AAN.
Poŭny varyjant artykułu hladzicie ŭ hazecie "Naša Niva".
Siaržuk Vinahradaŭ
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek9
Kamientary