Dvaccać lideraŭ biełaruskaje apazycyi pabyvali ź vizytam u Bruseli j Berlinie. Pradstaŭniki demakratyčnych siłaŭ sustrelisia ź najvyšejšym pradstaŭnikom Eŭraźviazu pa zamiežnaj palitycy j abarony Chaŭjeram Salanam, z kamisaram pa pytańniach pašyreńnia Eŭraźviazu Hiunteram Ferhojhienam, z hieneralnym dyrektaram Eŭrakamisii pa pytańniach pašyreńnia Eŭraźviazu Eneko Łandaburu i Tomam Kitam, dziaržaŭnym ministram Respubliki Irlandyja, jakaja ciapier staršyniuje ŭ Eŭraźviazie.
U Brusel byli zaprošanyja pradstaŭniki Narodnaj kaalicyi «5+», hrupy «Respublika», Eŭrapiejskaj kaalicyi «Svabodnaja Biełaruś», niezaležnaha hramadztva (redaktar «BDH» Piatro Marcaŭ). Hieneralny dyrektar Eŭrakamisii pa prablemach pašyreńnia Eŭraźviazu Eneka Łandaburu zhadaŭ dakład Chrystasa Purhurydesa i vykazaŭ zakłapočanaść sytuacyjaj dy imknieńnie paŭpłyvać na aficyjnyja ŭłady dziela taho, kab biełaruski narod moh na vybarach zrabić svabodny vybar. E.Łandaburu, bask pa nacyjanalnaści, vykazaŭ asabistuju padtrymku biełaruskaj apazycyi: «Ja braŭ udzieł u zmahańni z dyktaturaj Franka i duža dobra razumieju vašu sytuacyju».
Tom Kit zaznačyŭ, što Eŭraźviaz budzie rabić usio mahčymaje, kab, nie zvažajučy na dziejańni aficyjnaha Miensku, nie izalavać biełaruskaha narodu ad Eŭropy. «My nia chočam supracoŭničać z vašym uradam, ale heta datyčyć tolki biełaruskich uładaŭ, a nie biełaruskaha narodu», — skazaŭ Kit.
Poŭny varyjant artukułu čytajcie ŭ hazecie "Naša Niva"
Arkadź Šanski,
Siarhiej Radštejn
Ciapier čytajuć
Aryštavany 75‑hadovy Źmicier Sańko — vieteran-vydaviec2
Kamientary