Uładzimier Michniuk

In memoriam

Pra Jahonuju śmierć mnie paviedamiŭ adzin historyk i palityk u dzień referendumu. Ja prapanavaŭ byŭ hetamu čałavieku pabicca ab zakład, što na vybarčyja ŭčastki «pryjdzie» 80% nadzielenych pravam hołasu hramadzianaŭ i 75% ź ich «prahałasujuć» za papraŭku ŭ kanstytucyi. A palityk skazaŭ, što ja niedaaceńvaju ŭładu, i nazvaŭ bolšyja ličby. Ja musiŭ zhadzicca ź im. My śmiajalisia: jakaja jana, ułada, pradkazalnaja. A potym palityk ahałomšyŭ mianie viestkaju pra śmierć dr. Uładzimiera Michniuka. Ja nie pavieryŭ jamu. Patelefanavaŭ jašče adnamu historyku. I toj skazaŭ: praŭda, pamior na kanferencyi ŭ Bieraści. U aŭtorak — 12 kastryčnika — adbyłosia pachavańnie. Na histfaku BDU sabrałasia šmat historykaŭ, kab pravieści Jaho ŭ apošni šlach.

…Majo znajomstva z historykam Michniukom pačałosia ź Jahonaje treciaje knihi — pra stanaŭleńnie i raźvićcio histaryčnaje navuki Savieckaje Biełarusi ŭ davajenny čas. Pamiataju ŭražańnie ad treciaje knihi: šmat niedahavorak. Zrešty, na toj čas ja ŭžo razumieŭ: kab być sumlennym historykam u SSSR, treba było ŭvieś čas karystacca hetym pryjomam, majučy na ŭvazie znakamitaje sapienti sat. Razumny, čytajučy, prykładam, što na pačatku i ŭ druhoj pałavinie 1930-ch u BSSR nie chapała daśledčykaŭ i vykładčykaŭ historyi, viedaŭ adkaz na pytańnie: čamu?

I nastupnyja Jahonyja pracy (dźvie — u suaŭtarstvie) byli pryśviečanyja historyi histaryčnaje navuki.

U.Michniuk, musić, tak i zastaŭsia b historykam historyi, kali b nia novyja histaryčnyja varunki: i archivy pačali adkryvacca, i dla publikacyj źjavilisia ŭmovy. A što moža być saładziejšaje dla historyka za daśledavańnie, kamentavańnie i publikacyju dakumentaŭ minuŭščyny? Voś hetaj pracy i addaŭsia U.Michniuk. Sam ci ŭ suaŭtarstvie z kalehami Jon drukuje ŭ hazetach i časopisach dy asobnymi knižkami materyjały da bijahrafij Kanstancina Jezavitava i Arkadzia Smoliča, Vacłava Łastoŭskaha i Antona Sokał-Kutyłoŭskaha, vierš «Pasiekli naš Kraj papałam» Alesia Dudara i ŭdakumentavany narys pra jaho, udakumentavanuju bijahrafiju Branisłava Taraškieviča i tekst Uładzimiera Prakuleviča pra Słuckaje paŭstańnie. Dziakujučy Jamu dadalisia novyja materyjały da bijahrafij Maksima Hareckaha, Uładzimiera Duboŭki, Jazepa Puščy dy inšych piśmieńnikaŭ. Šmat pracuje Jon dla «Encyklapedyi historyi Biełarusi».

Poŭnaściu hety artykuł možna pračytać u papiarovaj i pdf-versii "Našaj Nivy"

Jeva Viežnaviec

• 0
• 0
• 0
• 0
• 0
• 0
• 0
• 0