Albom i synhał hodu
Kali pazaletašniaj asablivaściu była vielizarnaja kolkaść videaklipaŭ, to asnoŭnaj prykmietaj hodu 2004ha stałasia pavyšeńnie kolkaści vydadzienych dyskaŭ. Pry hetym klipaŭ źniali jašče bolej, čym u 2003-m.
Kali raniej najlepšy albom vybirali z troch-piaci kandydataŭ, to ciapier pretendentaŭ dziasiatak: «Tanki» («Nejra Dziubel»), «Paravoz kachańnia» («WZ-orkiestra»), «Dni» («Indyha»), «Moj dvor: viasielli i pachavańni» (Siaroha), «Siem» («Troica»), składanka «Hienerały ajčynnaha roku»…
Naš vybar — za albomam «Tanki». «Nejra Dziubel» pamianiaŭ na tracinu skład i zapisaŭ pieršuju za svaju 15-hadovuju historyju biełaruskamoŭnuju prahramu. «Tanki» cikavyja jak muzyčna, tak i idejna. Kulinkovič biez kampramisaŭ kaža, što hałoŭnaje — nie naradzicca tut, a tut pamierci. Z horyčču śmiajecca z taho, što busieł jość seks-symbalem usioj Biełarusi i z honaram kaža «Biełaruś — maja radzima».
Atrymała bolšy raspaŭsiud takaja pijar-forma, jak synhał, ci samotnik. Ŭ 2004-m upieršyniu źjavilisia takija cikavostki, jak videasynhał («Bieź bileta» z «Łodačkami»), internet-synhał («J-Mors» — «Sto daroh»), multymedyja-synhał («Krambambula» z «Radyjo 0,33 FM»: pieśni, razmovy, melodyi dla mabilnych, fota, fłeš).
Padzieja hodu
Pačatak 2003-ha nam zapomniŭsia dziesiaćcihodździem «N.R.M.» — adnajmiennaj pieśniaj, «bestavaj składankaj» i turne pa Biełarusi; krasavik — «Hienerałami ajčynnaha roku» ŭ Ladovym pałacy; travień — trochdzionnymi «Taŭkačykami», što sabrali ŭvieś folk-madern i vyjechali za miežy mienskaj kalcavoj — u Lubań.
U traŭni ž duet «Alaksandra i Kanstancin» pajechaŭ na «Eŭrabačańnie-2004». Udzieł biełarusaŭ u bujnym eŭrapiejskim pop-feście možna ličyć padziejaj hodu, nie zvažajučy na miesca, što jany tam zaniali.
Z padziej druhoj pałovy hodu — zahad Mininfarmacyi pavialičyć kvotu na biełaruskuju muzyku ŭ FM-etery da 75%, jaki musić vykonvacca z 1 studzienia 2005. Pabačym, chto maje racyju: radyjniki, jakija havorać, što takija patrabavańni — śmierć dla kamercyjnaha radyjo ŭ Biełarusi, ci tyja, chto kaža, što 75% pojduć na karyść usim.
Poŭny varyjant artukułu čytajcie ŭ papiarovaj i pdf-versii haety "Naša Niva"
Siarhiej Budkin
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary