Hulnia Safina, i praŭda, była zachaplalnaj. Padajecca, što hałoŭnaj dla pradstaŭnika Rasiei stała nie finalnaja hulnia z haspadarom kortu Lejtanam Chjuitam, a paŭfinalny pajadynak suprać pieršaj rakietki śvietu švajcarca Raže Federera. Toj matč ciahnuŭsia 4 hadziny 48 chvilin i źmiaściŭ u sabie piać setaŭ z čatyrma taj-brejkami. I supraciŭ Federera, jaki na minułym «Australian Open» pieramoh Safina jakraz u finale, byŭ złamany. Hulnia rasiejskaha tataryna Marata była ekspresiŭnaju i, badaj, najlepšaju ŭ jahonaj kar'¬iery.
Biełarusam studzień prynios i rasčaravańni, i radaści. Ma¬ksim Mirny, jaki ŭ pieršaj pałovie miesiaca ŭdała dajšoŭ da paŭfinału turniru ŭ Sydnei, pravaliŭsia ŭ adzinočnym razradzie na Adkrytym čempijanacie Aŭstralii, vylecieŭšy ŭžo ŭ pieršym kruzie.
U parnym razradzie na «Australian Open» Maks nia zdoleŭ pazbavicca letašniaha syndromu — spyniŭsia za krok ad finału, hetym razam u pary sa švedam Junasam Bjorkmanam. Barjer, pastaŭleny z bratoŭ Brajanaŭ, iznoŭ byŭ niepieraadolnym.
Škada, što nie pakazvali dziavočaha finału. Bo hierainiaj junijorskaha turniru na «Australian Open», jak užo zhadvałasia, stała 15-hadovaja biełaruska Viktoryja Azaranka. Miančanka zavajavała adrazu dva tytuły, zdabyŭšy pieramohi i ŭ adzinočnym, i ŭ parnym junijorskich razradach. Viktoryja bliskuča vytrymała melburnskuju zaduchu (słupok termometra pastajanna trymaŭsia za ryskaj u 30 hradusaŭ pavodle Celsija).
Poŭny varyjant čytajcie ŭ papiarovaj i pdf-versii hazety "Naša Niva"
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary