Навукоўцы: дэксаметазон дапамагае знізіць смяротнасць ад каранавіруса
Недарагі і даступны прэпарат дэксаметазон можа дапамагчы выратаваць жыцці многіх цяжкахворых пацыентаў, у якіх быў дыягнаставаны каранавірус, сцвярджаюць брытанскія навукоўцы, піша BBC.
Паводле даследнікаў, уключэнне дэксаметазону ў курс лячэння зніжае рызыку смерці на 33% для пацыентаў на штучнай вентыляцыі лёгкіх (ШВЛ) і на 20% — пацыентаў з насычэннем крыві кіслародам.
Клінічныя выпрабаванні дэксаметазону пры лячэнні пацыентаў з каранавіруснай інфекцыяй — частка маштабных намаганняў, якія прымаюцца па ўсім свеце для вызначэння найбольш эфектыўных прэпаратаў з ужо існых для лячэння COVID-19.
Паводле ацэнак даследчыкаў, калі б дэксаметазон ужываўся пры лячэнні «цяжкіх» пацыентаў з самага пачатку пандэміі, то ў Брытаніі можна было б выратаваць да 5 тысяч жыццяў.
Прэпарат недарагі, таму яго эфектыўнасць у барацьбе за жыццё каранавірусных пацыентаў асабліва актуальная для небагатых краін з вялікай колькасцю хворых.
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
-
«Гэтая партыя прайграная». Беларускія даследчыкі — пра тое, у што ператварылася Акадэмія навук
Каментары