Францужанка Стэфані Фрапар стане першай у гісторыі футбола жанчынай, якая працуе на мужчынскім чэмпіянаце свету ў ролі галоўнага арбітра. Яна прызначана на сённяшні матч Германіі і Коста-Рыкі.
Ёй будуць дапамагаць мексіканка Карэн Дыас і бразільянка Неўза Бак.
Фрапар ужо мае досвед працы на ЧС—2022: раней яна была задзейнічана ў ролі чацвёртага суддзі ў матчы першага тура паміж камандамі Мексікі і Польшчы (0:0).
Фрапар 38 гадоў, раней яна стала першай жанчынай, прызначанай на матчы Лігі чэмпіёнаў і Лігі Еўропы, а ў 2019 годзе францужанка працавала галоўным арбітрам на матчы за Суперкубак УЕФА паміж «Ліверпулем» і «Чэлсі».
Галоўны трэнер зборнай Коста-Рыкі Луіс Фернанда Суарэс наступным чынам пракаментаваў прызначэнне Фрапар: «Я вялікі прыхільнік усяго таго, чаго дасягнулі жанчыны. І мне падабаецца, што яны хочуць працягваць перамагаць. Гэта яшчэ адзін крок наперад, асабліва ў гэтым відзе спорту, які з'яўляецца вельмі сэксісцкім. Мне падабаюцца такія рэчы. Я думаю, што гэта сітуацыя, якая добрая для футбола».
Цяпер чытаюць
Праз дзевяць месяцаў пасля вызвалення памёр палітвязень Валерый Богдан7
Каментары