У Германіі адмяняюць нядаўна ўведзеную магчымасць «экспрэс-натуралізацыі»
Урад Германіі зацвердзіў законапраект, які адмяняе магчымасць атрымаць грамадзянства краіны паскораным шляхам — праз тры гады жыцця ў ёй. Цяпер гэты дакумент накіраваны на разгляд у бундэстаг, паведамляе Deutsche Welle.
Такая мера стала часткай пагаднення паміж кансерватарамі (ХДС/ХСС) і сацыял-дэмакратамі, якія ўтвараюць новую кіруючую кааліцыю пасля датэрміновых выбараў у лютым.
Міністр унутраных спраў Германіі Аляксандр Добрынт, які прадставіў законапраект, лічыць, што «экспрэс-натуралізацыя», уведзеная ранейшым урадам (сацыял-дэмакраты, «зялёныя» і лібералы), была памылковым рашэннем.
Паводле яго, грамадзянства павінна быць завяршэннем працэсу інтэграцыі, а не стартам. Ён сцвярджае, што трохгадовы тэрмін недастатковы для поўнай інтэграцыі ў нямецкае грамадства.
Таксама законапраект прадугледжвае абмежаванні на сямейнае ўз’яднанне для асобных груп бежанцаў. Добрынт упэўнены, што гэтыя змены дапамогуць знізіць колькасць ахвотных атрымаць прытулак у Германіі, бо «экспрэс-грамадзянства» нібыта стварала дадатковыя матывы для нелегальнай міграцыі.
Законапраект яшчэ павінен быць ухвалены не толькі Бундэстагам, але і Бундэсратам — прадстаўніцтвам федэральных земляў. Папярэдняя працэдура заняла каля дзесяці месяцаў, таму на ўступленне закона ў сілу спатрэбіцца час.
Беларусы ў Польшчы атрымліваюць дзіўныя лісты з патрабаваннем пакінуць краіну цягам 10 дзён
У ЕС узгаднілі адмену штампаў на мяжы Шэнгену
«Гісторыя нас навучыла». Берлін адказаў на нападкі адміністрацыі Трампа з-за прызнання АдГ экстрэмістамі
На якіх умовах беларусы могуць атрымаць грамадзянства Іспаніі, Партугаліі, Германіі і іншых краін
З лета можна будзе ўзяць грамадзянства Германіі, не адмаўляючыся ад беларускага
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні3
Каментары