У вёсцы Паграбенка Сенненскага раёна на аўкцыён выставілі старадаўнюю паштовую станцыю. Яе прадаюць амаль дарма — у больш чым 220 разоў танней за першапачатковую цану.
Будынак размешчаны непадалёк ад аўтадарогі Р87 Орша — Віцебск, якая з’яўляецца часткай старога тракта Кіеў — Санкт-Пецярбург. Купіць прапануецца станцыйны дом плошчай 115 квадратных метраў і палову флігеля для ямшчыкоў (74 квадратных метраў).
Гэтыя будынкі адносяцца да гісторыка-культурнай спадчыны і, як лічыцца, былі пабудаваныя ў 1840 годзе. Праўда, энцыклапедыя «Архітэктура Беларусі» сцвярджае, што станцыя з’явілася ў канцы 1840-х гадоў паводле тыпавога праекта. Да нядаўняга часу тут месцілася дарожная служба.
Падобныя станцыі на іншых дарогах часам выкупляюць і перарабляюць, напрыклад, у кавярні — як пад Івацэвічамі ў Брэсцкай вобласці.
Пачатковая цана лота — усяго 126 рублёў, а з улікам выдаткаў на таргі — 232 рублі (прыкладна $77). Для параўнання, у 2019 годзе маёмасць ацэньвалася ў 36 тысяч рублёў ($17 тысяч). Такім чынам, цяперашняя цана ў 221 раз ніжэйшая за першапачатковую.
Аўкцыён адбудзецца 11 чэрвеня ў 13:00.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі29
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары