Аляксандр Лукашэнка заявіў аб неабходнасці загадзя прадумаць закупку яблыкаў з-за неўраджайнага года. Пра гэта ён распавёў падчас сустрэчы са старшынём Брэсцкага аблвыканкама Пятром Пархомчыкам, паведамляе БелТА.
Беларусь адчувае дэфіцыт яблыкаў, асабліва ў міжсезонне. Паколькі беларускія яблыкі горш захоўваюцца, з красавіка па ліпень даводзіцца закупляць імпартныя. У той жа час урад яшчэ ў верасні мінулага года паставіў задачу: за два гады цалкам замясціць імпарт яблыкаў айчыннай прадукцыяй.
Але ў 2025 годзе гэтым планам не наканавана спраўдзіцца праз тое, што год, як прагназуецца, будзе неўраджайным. У сувязі з гэтым Аляксандр Лукашэнка даручыў ураду прадумаць закупку яблыкаў, каб «і пакласці на захоўванне, і закупіць, можа быць, у міжсезонне».
Пры гэтым дзяржава аказвае адчувальную падтрымку вытворцам плодаагародніннай прадукцыі. Напрыклад, сёлета ўрад павялічыў фінансаванне дзяржпраграмы «Аграрны бізнес» прыкладна на 1 млрд рублёў. Гэтыя грошы ідуць на субсідыі і бюджэтныя трансферты вытворцам садавіны. У прыватнасці, на будаўніцтва, рэканструкцыю і мадэрнізацыю пладасховішчаў.
Акрамя таго, дзяржпрадпрыемствы або прадпрыемствы з доляй дзяржавы ў капітале больш за 50% атрымліваюць субсідыі з рэспубліканскага бюджэту на пасадку і ўладкаванне садоў і ягадных плантацый. Грошы будуць прадастаўляцца з 2025 па 2040 год у памеры стаўкі рэфінансавання Нацбанка на выплату часткі працэнтаў за карыстанне крэдытамі Банка развіцця.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары