Святар Уладзіслаў Багамольнікаў арыштаваны сёмы раз запар. Агулам за кратамі ён будзе 101 дзень
Гэта праваабаронцам пацвердзіла «Хрысціянская візія». Чарговы суд над ім адбыўся падчас шостага арышту. Гэтым разам суд Ленінскага раёна Мінску прызначыў святару 13 сутак.
Агулам за кратамі Багамольнікава будуць утрымліваць 101 дзень. Былы сукамернік Уладзіслава навуковец Сяргей Гаранін паведаміў, што святар некаторы час трымаў галадоўку, а стан здароўя яго пагоршыўся.
Вядома, што Уладзіслаў перахварэў у няволі на кавід. Ён бесперапынна ўтрымліваецца ў нечалавечых умовах без сродкаў гігіены, бо перадачы для «палітычных» на Акрэсціна не прымаюць.
Багамольнікаў — выкладчык Мінскай духоўнай акадэміі, абвяшчаў галадоўку ў падтрымку палітвязня Ігара Лосіка, а таксама служыў літыю па забітым сілавікамі Рамане Бандарэнку. 31 жніўня супрацоўнікі ГУБАЗіКа выламалі дзверы ў кватэру святара і затрымалі яго.
Цяпер чытаюць
«Мы кідалі камяні, каб яны не ўзляталі». Адным з тых, хто спрабаваў спыніць дроны, што выляталі з фур, быў беларус Антон46
Каментары