На паседжаньні «дэмакратычнай дзясяткі» 8 чэрвеня разглядаліся пытаньні падрыхтоўкі да Кангрэсу дэмакратычных сілаў.
Спаміж тэхнічных праблемаў лідэры «дзясяткі» не абмінулі ўвагай звароты лідэра сацыял-дэмакратаў Аляксандра Казуліна й экс-міністра Васіля Лявонава, што не ўваходзяць у кааліцыю. Адказ вырашылі падрыхтаваць цягам тыдня. Кіраўнік ПКБ Сяргей Калякін падчас абмеркаваньня зазначыў, што ў абодвух зваротах ёсьць моманты, вартыя абмеркаваньня: «Варта падтрымаць прапанаваныя Казуліным масавыя вулічныя акцыі. Але ёсьць і тое, на што мы ніяк ня можам пайсьці: Казулін прапануе разбурыць цяперашнюю кааліцыю й стварыць новую на базе ягонай партыі, БНФ, АГП і ПКБ».
Дыскусія ўзьнікла пры абмеркаваньні стратэгіі дзейнасьці кааліцыі. Лідэр АГП Анатоль Лябедзька прапаноўваў увагу скіраваць не на Кангрэс, а на «працу зь людзьмі»: «Лепей пусьціць грошы на падрыхтоўку рэфэрэндуму пра перайменаваньне менскіх вуліцаў». На што пачуў адказ Калякіна: адно другому не замінае, агітаваць за перайменаваньне могуць і ахвотнікі. «Галоўнае сёньня — актывізаваць дзейнасьць сваіх структураў. Калі мы ня можам вывесьці на акцыю наконт вуліцаў нават 300 чалавек, дык слушна кажуць АМОНаўцы: вы ня сіла, мы будзем з народам, якому напляваць на вашыя ідэі», — канстатаваў лідэр камуністаў.
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы48
Каментары