«Рэактыўны шахед урэзаўся ў мой дом». Расіяне спрабавалі кропкавым ударам забіць дарадцу міністра абароны Украіны, спецыяліста па радыётэхналогіях
У дом Сяргея Бяскрэстнава — дарадцы міністра абароны Украіны, спецыяліста па радыётэхналогіях, вядомага пад пазыўным «Флэш», — ляцелі чатыры расійскія беспілотнікі тыпу «шахед», заявіў ён сам у фейсбуку.
«Адзін кіраваны рэактыўны «Шахед» даляцеў і рэзнуўся ў сцяну майго дома. Дома ў мяне больш няма. Мяне зачапіла, але галоўнае — я цудам жывы», — напісаў Бяскрэстнаў на сваіх старонках сацсетак.
Раней кіраўнік Кіеўскай абласной ваеннай адміністрацыі Мікалай Калашнік паведаміў пра аднаго пацярпелага пры начной атацы на рэгіён — мужчыну 1974 года нараджэння, стан якога ацэньваецца лекарамі як стабільны.
Сяргей «Флэш» Бяскрэстнаў нарадзіўся ў 1974 годзе.
Удар па доме Бяскрэстнава ў Браварскім раёне Кіеўскай вобласці паказвае, што Расія таксама ўдасканальвае магчымасці сваіх дронаў. Яны здольныя наносіць і прыцэльныя ўдары. Раней атакі дронаў насілі пераважна выпадковы, часам беспарадачны характар як у выніку іх недасканаласці, так і пад уздзеяннем украінскіх сістэм радыёэлектроннай барацьбы, якія развіваліся ў тым ліку пад каардынацыяй Бяскрэстнава.
-
Кіеў увечары зноў быў пад атакамі, знікалі святло і вада. За дзень ва Украіне загінулі як мінімум 25 чалавек
-
Колькасць загінулых у Прылуках пад Чарнігавым вырасла да 14
-
Былы кіраўнік Google: Расія здаганяе Украіну ў вайсковых тэхналогіях, а рэсурсаў у яе нашмат больш. Галоўным выклікам будзе «Рассвет»
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары