Афіцыйны кіраўнік Беларусі заявіў, што рэалізацыя інвестыцыйных праектаў на прадпрыемствах дрэваапрацоўчай прамысловасьці краіны правалена.
Пра гэта ён заявіў, наведваючы 30 лістапада ААТ «Барысаўдрэў», перадае Інтэрфакс.
Лукашэнка запатрабаваў ад свайго памочніка Пятра Пракаповіча жорстка кантраляваць мадэрнізацыю прадпрыемстваў.
«За мадэрнізацыю ты адкажаш краіне», — сказаў Лукашэнка Пракаповічу.
«Дзе будуць браць грошы — гэта іх справа з Ермаковай. Ты з імі не спрачайся: якая стаўка павінна быць і іншае. Гэта іх справа. Твая справа — план і павінна ісці мадэрнізацыя, а яны паабяцалі ў 2015 годзе ўсё завяршыць. Давайце ўсё па-людску зробім, тым больш — час у нас сціснуты, нам трэба мадэрнізавацца, каб была нармальная прадукцыя».
Лукашэнка папярэдзіў, што «даравання не будзе нікому, па кадрах усе пытанні павінны быць вырашаныя».
«Я яшчэ паеду ў Магілёў і Віцебск, і, баюся, мы там можам палову ўрада страціць».
Лукашэнка паставіў задачу завяршыць да лістапада наступнага года ўсе працы па мадэрнізацыі ААТ «Барысаўдрэў»: «7 лістапада будучага года тут павінна быць «цукерка».
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»35
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары