Аляксандр Лукашэнка сёння падчас працоўнай паездкі ў Магілёўскую вобласць азнаёміцца з ходам мадэрнізацыі і рэканструкцыі ільнозаводаў.
Кіраўнік дзяржавы наведае ААТ «Шклоўскі льнозавод», на якім ўсталяваная бельгійская высокапрадукцыйная тэхналагічная лінія па выпрацоўцы льновалакна. Мадэрнізацыя на прадпрыемстве пачалася ў студзені 2011 года. Завяршыць яе плануецца ў сакавіку 2013 года. Пры гэтым будуць вызвалены 17 га тэрыторыі і перададзены гораду.
Па выніках 10 месяцаў года выручка ад рэалізацыі прадукцыі, работ і паслуг на прадпрыемстве склала Br11, 7 млрд (за 2011 год — Br8, 2 млрд.), чысты прыбытак — Br1, 6 млрд, рэнтабельнасць продажаў — 0,7% (2011 год — мінус 8,7%). Цяпер выпрацоўка ільняной прадукцыі ажыццяўляецца на двух тэхналагічных лініях расійскай вытворчасці.
Усяго ў Беларусі першаснай перапрацоўкай лёну займае 30 юрыдычных асоб, якія маюць 43 вытворчыя пляцоўкі.
Праграмай мадэрнізацыі прадугледжана, што ў 2015 годзе будзе 18 высокапрадукцыйных тэхналагічных ліній па выпрацоўцы доўгага і кароткага льновалакна. Чатыры лініі ўжо ўстаноўлены на Дубровенскім, Дварэцкім, Пружанскім і Шклоўскім льнозаводах.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае6
Каментары