Госць з Расіі ў Мінску ўзяў у арэнду машыну — ганяў так, што штрафаў пакінуў ажно на 1215 рублёў
Уладальніца сэрвісу арэнды прызнаецца: такі выпадак не адзіны, а лісты ў ДАІ яна дасылае пачкамі.
Пра абуральны выпадак у Threads распавяла Ірына Капінос — уладальніца сэрвісу арэнды аўтамабіляў Is car. Яна апублікавала фотаздымкі чатырох «лістоў шчасця» ад ДАІ, якія прыйшлі пасля чарговага арандатара Volkswagen Jetta.
Аматар паганяць ездзіў з хуткасцю 125—141 кіламетр за гадзіну (зафіксаваны перавышэнні на 35—51 кіламетр за гадзіну). Кошт такіх прыгод агулам склаў 1215 рублёў.
Ірына дадала, што суткі арэнды гэтага аўтамабіля каштавалі ўсяго 160 рублёў.
Каментатары адразу адгадалі нацыянальнасць госця-гоншчыка: «Сябры з Расіі на выходных. Класіка!». Нехта пажартаваў і спытаў, ці не сляпы чалавек быў за рулём. Ірына адказала: «Па дакументах даведка і акуляры не былі патрэбныя. Проста грамадзянін Расіі ў Беларусі».
Людзі спрабавалі знайсці варыянты таго, каб такіх выпадкаў у будучыні можна было б пазбягаць. Адны патрабуюць за аналагічныя парушэнні даваць пажыццёвую забарону на ўезд у Беларусь, другія раяць абмяжоўваць максімальна магчымую хуткасць у арэндных машынах 90 кіламетрамі за гадзіну.
Ірыне парэкамендавалі пісаць заяву ў ДАІ, каб там ужо самі шукалі гоншчыка і разбіраліся з ім. Жанчына ж прызналася, што так і робіць — «пачкамі лісты ў ДАІ дасылаю».
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
Скоро перестанут сдавать авто в аренду.
Но, руководитель скотного двора построенного им на месте Беларуси, зависит от руководителя скотного двора России на 1000%.
Поэтому ничего не изменится, как гадили безнаказанно в Беларуси и беларусам, так и продолжат.