У затрыманьні ўдзельнічалі 30 чалавек.
Нагадаем, што ўчора зь Менску ў аўтапрабег накіравалася чатыры машыны, якія мусілі праехаць па маршруце: Баранавічы — Нясьвіж — Салігорск — Магілёў — Шклоў. Машыны пасьпелі праехаць літаральна 20 кілямэтраў па Берасьцейскай шашы, як іх спыніў першы ж пост ДАІ. Міліцыянты папрасілі кіроўцаў паехаць за імі ў Дзяржынскі раённы аддзел міліцыі дзеля праверкі дакумэнтаў. Празь некаторы час міліцыянты сказалі, што машыны застаюцца ў іх да поўнай праверкі, а пасажыры могуць быць вольнымі.
Частка ўдзельнікаў прабегу вырашыла вярнуцца ў Менск, а частка — усё ж накіравалася ў Баранавічы на электрычках. Прыкладна апоўначы ўдзельнікі прабегу ўжо былі ўжо ў Салігорску, дзе і правялі ноч. Не атрымалася толькі заехаць у Нясьвіж да Насты Азаркі.
З раніцы частка ўдзельнікаў накіравалася на Магілёў дызелем праз Асіповічы, а яшчэ пяць чалавек меліся ехаць на машыне. Аднак аўтамабіль затрымалі за 30 мэтраў ад дому Івана Шылы. Міліцыянты сказалі, што па іх сьведчаньнях на гэтай машыне магло быць зьдзейсьнена нейкае злачынства і адвезьлі ўсіх у пастарунак. Празь нейкі час пасажыраў вызвалілі, але па‑ранейшаму не адпускаюць кіроўцу.
Тыя ж, хто паехаў цягніком, шчасьліва дабралася да Магілёву. Сустрэцца там з палітвязьнем Артурам Фінькевічам не атрымалася, бо хлопца цэлы дзень трымаюць у камэндатуры.
З Магілёву 13 чалавек накіраваліся да вёскі Рыжкавічы, дзе адбывае пакараньне Дашкевіч. Там яны меліся павіншаваць хлопца з днём народзінаў. Моладзь не пасьпела нават падысьці да калёніі, як да іх падышлі 30 міліцыянтаў, супрацоўнікаў МНС, работнікаў калёніі. Яны «прапанавалі» праехаць зь імі ў шклоўскі РУУС дзеля высьвятленьня асобаў.
Празь некаторы час маладых людзей адвезьлі на шклоўскі чыгуначны вакзал, пасадзілі на дызэль да Магілёва, і ў суправаджэньні міліцэйскага канвою вязуць у абласны цэнтар.
Цяпер чытаюць
Арыштаваны 75‑гадовы Зміцер Санько — ветэран-выдавец1
Каментары