Маладафронтаўцы Кірыла Мацкевіч і Уладзімер Сяргееў асуджаныя на 10 і 15 сутак арышту. 20 ліпеня, у дзень народзінаў Зьмітра Дашкевіча, у Менску, на мосьце цераз Нямігу, яны вывесілі віншавальную расьцяжку.
Адміністрацыйную справу («дробнае хуліганства»), у адрозьненьні ад мінулых палітычных працэсаў у судзе Цэнтральнага раёну сталіцы, разглядала не Тацьцяна Паўлючук, якая нядаўна арыштоўвала моладзевых актывістаў за акцыю супраць адмены ільготаў і адпраўляла на Акрэсьціна пастара Антося Бокуна за несанкцыянаванае набажэнства, а Натальля Паўлючкова.
Хлопцаў даставілі у суд толькі а 13‑й. Пасьля трох дзён, праведзеных у спэцпрыёмніку на Акрэсьціна, маладафронтаўцаў усю раніцу трымалі ў райаддзеле. Самі судовыя працэсы распачаліся па абедзе. Сьведкамі ў судзе, як звычайна, выступалі міліцыянты, якія затрымлівалі Кірылу й Уладзя.
Супрацоўнік ДАІ Туркін Сяргей Феліксавіч настолькі ўвайшоў у жанр, што заявіў нават, што маленькі 18‑гадовы Кірыла падчас затрыманьня пачаў кідацца на міліцыянта і разьдзіраць ягоную вопратку. Судзьдзя палічыла гэтыя доказы пераканаўчыя, і пасьля невялікага перапынку вынесла маладафронтаўцам максімальныя прысуды.
Цяпер чытаюць
Бабарыка: Калі б мы перамаглі — вайны ва Украіне не было б5
Бабарыка: Калі б мы перамаглі — вайны ва Украіне не было б
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары