Былы палкоўнік МУС, на рыбнай ферме ў якога працаваў беларус, спрабуе замяць сітуацыю.
У дачыненні да актывістаў расейскага моладзевага руху «Альтэрнатыва», якія вызвалілі беларуса, які 12 гадоў знаходзіўся ў рабстве ў былога палкоўніка МУС, пачаўся пераслед з боку уладаў.
Пра гэта паведаміў БелаПАН лідэр беларускага
Паводле яго словаў, расейская паліцыя шукае людзей, якія дапамаглі беларусу вызваліцца з рабства.
На дадзены момант сітуацыя ўскладняецца тым, што валанцёры не могуць атрымаць дапамогу ці проста звязацца з беларускім пасольствам, а сам вызвалены беларус не мае дакументаў, акрамя пасведчання, што ён прызнаны памерлым.Цяпер Мікалай знаходзіцца ў адносна бяспечным месцы, але да аднаго з валанцёраў ужо прыходзіла паліцыя.
Па словах актывістаў, былы палкоўнік МУС, на рыбнай ферме ў якога і працаваў беларус, «мае пэўныя сувязі і ня хоча агалошвання гэтай гісторыі, таму прымае меры для таго, каб замяць сітуацыю».
У Мазыры, родным горадзе зніклага, яго чакаюць маці, сястра, дачка, якія яго не бачылі 12 гадоў.
«У нас ва ўсіх быў шок, і не толькі ад таго, што ў наш час такое магчыма — рабства ў Расеі. Мы ўжо страцілі ўсялякую надзею ўбачыць яго жывым. Ці гэта жарт — 12 гадоў. Дачка яго ў шоку таксама, ёй ужо 32 гады. Цяпер чакаем вяртання яго на радзіму, але наколькі я ведаю, там шмат праблемаў», — паведаміў БелаПАН пляменнік вызваленага беларуса Аляксандр.
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары