Były pałkoŭnik MUS, na rybnaj fiermie ŭ jakoha pracavaŭ biełarus, sprabuje zamiać situacyju.
U dačynieńni da aktyvistaŭ rasiejskaha moładzievaha ruchu «Alternatyva», jakija vyzvalili biełarusa, jaki 12 hadoŭ znachodziŭsia ŭ rabstvie ŭ byłoha pałkoŭnika MUS, pačaŭsia pieraśled z boku uładaŭ.
Pra heta paviedamiŭ BiełaPAN lider biełaruskaha
Pavodle jaho słovaŭ, rasiejskaja palicyja šukaje ludziej, jakija dapamahli biełarusu vyzvalicca z rabstva.
Na dadzieny momant situacyja ŭskładniajecca tym, što vałanciory nie mohuć atrymać dapamohu ci prosta źviazacca ź biełaruskim pasolstvam, a sam vyzvaleny biełarus nie maje dakumientaŭ, akramia paśviedčańnia, što jon pryznany pamierłym.Ciapier Mikałaj znachodzicca ŭ adnosna biaśpiečnym miescy, ale da adnaho z vałancioraŭ užo prychodziła palicyja.
Pa słovach aktyvistaŭ, były pałkoŭnik MUS, na rybnaj fiermie ŭ jakoha i pracavaŭ biełarus, «maje peŭnyja suviazi i nia choča ahałošvańnia hetaj historyi, tamu prymaje miery dla taho, kab zamiać situacyju».
U Mazyry, rodnym horadzie źnikłaha, jaho čakajuć maci, siastra, dačka, jakija jaho nie bačyli 12 hadoŭ.
«U nas va ŭsich byŭ šok, i nie tolki ad taho, što ŭ naš čas takoje mahčyma — rabstva ŭ Rasiei. My ŭžo stracili ŭsialakuju nadzieju ŭbačyć jaho žyvym. Ci heta žart — 12 hadoŭ. Dačka jaho ŭ šoku taksama, joj užo 32 hady. Ciapier čakajem viartańnia jaho na radzimu, ale nakolki ja viedaju, tam šmat prablemaŭ», — paviedamiŭ BiełaPAN plamieńnik vyzvalenaha biełarusa Alaksandr.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary