А. Мілінкевіч: «За сьпінай беларускага народу вядзецца злачынны патаемны гандаль»
Лідэр руху «За свабоду» камэнтуе чарговы газавы канфлікт паміж Беларусьсю і Расеяй.
«Сёньня за спінай беларускага народу адбываецца злачынны патаемны гандаль, які вядзе да распродажу нацыянальнага багацьця і да страты сувэрэнітэту. У чарговы раз грамадзяне Беларусі сталі закладнікамі няздольнасці рэжыму асабістай улады весьці адказную і эфэктыўную зьнешнюю і ўнутраную палітыку.
За прыгожымі лічбамі афіцыйнай статыстыкі хаваецца банкруцтва і некампэтэнтнасьць кіроўных колаў пасьлядоўна адстойваць нацыянальныя інтарэсы і праводзіць неабходныя эканамічныя рэформы. Бюджэтныя грошы марнуюцца на нікому непатрэбную ідэалягічную вертыкаль і БРСМ, на шматлікія сілавыя структуры і органы кантролю, на стратныя прадпрыемствы, на будаўніцтва лядовых палацаў. Насельніцтва і прадпрыемствы ўжо даўно плацяць па рынкавых коштах за карыстаньне газам, а выгандляваная ў Расеі розніца застаецца вузкаму колу прыўладных чыноўнікаў.
Прымаюцца келейныя дамоўленасьці, схаваныя ад грамадзкага кантролю. Рашэньне аб продажы Белтрансгазу — нацыянальнага здабытку ўсяго народа — было прынятае закрытым чынам насуперак жаданьню абсалютнай большасьці грамадзянаў Беларусі і ва ўрон нацыянальным інтарэсам.
Усё больш відавочнай становіцца тупіковасць і нежыццяздольнасць мадэлі развіцця Беларусі, якую насаджае Лукашэнка. Поўны крах палітычнага курсу ў адносінах з Расейскай Фэдэрацыяй востра ставіць пад пагрозу незалежнасьць і сувэрэнітэт Беларусі».
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары