У Воранаўскім раёне ад рук мужа пацярпела 33-гадовая жанчына.
Як паведамілі ў аддзяленні інфармацыі і грамадскіх сувязяў УУС Гродзенскага аблвыканкама, злачынства было ўчынена 23 лютага ў вёсцы Лялюшы. У працэсе высвятлення адносінаў мужчына плюхнуў на жонку бензінам з каністры і падпаліў. Уся ў агні жанчына выбегла на вуліцу, дзе патушыць полымя ёй дапамагла суседка.
Сваю віну ва ўчыненым муж, які не вызначаецца добрымі паводзінамі, прызнае і паведамляе, што такім чынам хацеў напалохаць жонку.Апошняя, у сваю чаргу, кажа, што загарэлася выпадкова, калі пры дапамозе бензіну спрабавала распаліць печ. У пацярпелай апёкі твару, шыі і рук.
Крымінальная справа распачата на падставе ч. 2 арт. 149 КК (наўмыснае нанясенне менш цяжкага цялеснага пашкоджання).
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары