Грамадства1919

Жанчынам далі каманду радавацца: на заяву Лукашэнкі адрэагавалі прапагандысткі ды штатныя прыгажуні

Пакуль людзі жартуюць з таго, што гэта надта іранічна — абвяшчаць Годам беларускай жанчыны Год каня, набліжаныя да ўлады беларускі спрабуюць прадэманстраваць усенародную падтрымку.

Падчас навагодняга звароту Аляксандр Лукашэнка абвясціў 2026‑ы Годам беларускай жанчыны. Дарэчы, з чаго раптам такое рашэнне ў краіне, дзе «Канстытуцыя зроблена не пад жанчыну»?

Як па камандзе на навіну адрэагавалі дзяўчаты, якія ў розныя гады ўдзельнічалі ў конкурсе «Міс Беларусь». У сторыс яны рэпосцілі відэа, у якім Лукашэнка віншуе з Новым годам, і падпісвалі кшталту: «Дзяўчаты, гэты год дакладна будзе наш!».

Так зрабіла і Настасся Лаўрынчук (віцэ-міс Беларусь 2018), і Элеанора Качалоўская (міс Беларусь 2023), і Алія Кароткая з Ганнай Бычко (удзельніцы конкурсу ў 2025 годзе).

Дарэчы, апошняя з дзяўчат сядзела вельмі блізка да палітыка на яго нядаўнім балі.

Ганна Бычко справа ад Лукашэнкі (у дыядэме)

Аператыўна падключыліся і прапагандысткі: маладая журналістка з «СБ. Беларусь сегодня» Таццяна Бялецкая, вядучыя БТ Ніна Мажэйка і Настасся Рудзкая, ды Кацярына Забянько з СТБ.

Святлана Ісаёнак (нявестка былой міністаркі інфармацыі Ліліі Ананіч), якая летась прамяняла працу ў «СБ. Беларусь сегодня» на пасаду ў сакратарыяце Палаты прадстаўнікоў, зрабіла цэлы допіс. Яна нахвальвала «наймудрэйшае рашэнне» Лукашэнкі.

Ганна Квілорыя — жонка амбасадара Беларусі ў Турцыі Анатоля Глаза і вядучая БТ — запісала тыкток пад словы Лукашэнкі пра жанчын. Ролік Ганны за 5 гадзін паглядзеў 21 чалавек.

А вось у Threads да раскручвання тэмы падышлі больш грунтоўна. Супадзенне ці не, але і тут шмат у якіх выпадках рашэнне Лукашэнкі нахвальваюць дзяўчаты, якія ўдзельнічаюць у розных конкурсах прыгажосці — напрыклад, лайф-коўч Наталля Ківачук, якая ў 2025 годзе атрымала тытул міс Viva Braslav.

У захапленне ад ідэі Лукашэнкі прыйшла і блогерка Руслана Карахоева, якая сама пра сябе піша: «Атрымоўваю грошы за тое, што выкладаю пару сторыс, пакуль ляжу ў ложку».

На крытыку свайго ліслівага допісу Руслана чамусьці пакрыўдзілася: «Гэты пост быў напісаны выключна з мэтай, каб мы з вамі парадаваліся прыемным словам, сказаным у адрас жанчын, а не для таго, каб даваць прастору для палітычных канапавых палемік і накідванню лайна».

Сярод жанчын, якія нахвальваюць Лукашэнку, ёсць некалькі тых, чые фота размешчаны на сайтах для дарослых.

Ёсць і тыя, хто толькі нядаўна атрымаў беларускае грамадзянства.

Усе гэтыя допісы з ухваленнем рашэння Лукашэнкі — ці не рэакцыя на нядаўні флэшмоб пасля таго, як на волі апынулася Марыя Калеснікава? Жанчыны (дый не толькі жанчыны) фарбавалі вусны чырвонай памадай у знак падтрымкі былой палітзняволенай.

Цікава, ці будзе дзяржава ў гэты год змагацца з хатнім гвалтам? Ці зробяць нешта з працадаўцамі, якія на сумоўях кажуць «У вас дзіця малое — будзеце ўвесь час на бальнічныя бегаць. Не возьмем!»? Ну а пра тое, ці выпусцяць палітзняволеных беларусак — якія таксама беларускія жанчыны — небяспечна нават пісаць у каментарах, калі чалавек знаходзіцца ў Беларусі. Бо палітык, які «не змагаецца з жанчынамі», лёгка кідае за краты і маладых маці, і пенсіянерак.

Каментары19

  • Прыйдзе час
    02.01.2026
    Мы абавязкова "ачысцім" Беларусь ад гэтае фашыстоўскае хеўры, якое здзекваецца над намі ўжо больш за 30 гадоў.
  • Алекс
    02.01.2026
    Год женщины из уст старого кобеля, нагулявшего на стороне кучу детей, имея официальную жену, с которой не появлялся 30 лет, посадившего сотни женщин в тюрьму ни за что, сыпящего сексистскими шутками и тд, и тп.
    Воистину искренняя радость.
  • хамса
    02.01.2026
    а што - ужо больш няма што аблагароджваць? усё ўжо аблагародЖАНА?

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць