Еўрапейскі саюз можа адмяніць візавыя санкцыі ў дачыненні да міністра замежных спраў Беларусі Уладзіміра Макея. Пра гэта заявіў намеснік міністра замежных спраў Польшчы Ежы Памяноўскі.
Як паведамляе Польскае радыё, паводле слоў Памяноўскага, пазіцыя ЕС ў дачыненні да Беларусі застаецца цвёрдай: першыя крокі насустрач павінен зрабіць Мінск. Сярод гэтых крокаў ён назваў вызваленне палітзняволеных. На пытанне журналістаў, ці вядуцца такія перамовы, Памяноўскі адказаў няпэўна: «Можа быць».
Кажучы пра магчымую адмену візавых санкцый у дачыненні да Макея, намеснік кіраўніка польскага МЗС растлумачыў, што такі варыянт разглядаецца для таго, каб «захаваць мінімальныя каналы сувязі, якія неабходныя для падтрымання адносінаў з любой краінай».
Памяноўскі таксама зазначыў, што Беларусь хацела б атрымаць крэдыт ад Міжнароднага валютнага фонду. Аднак, падкрэсліў ён, пазіцыя ЕС у гэтым пытанні адназначная і фінансавыя інстытуты не будуць выдзяляць крэдыты афіцыйнаму Мінску. Паводле яго слоў, прычына гэтага не толькі наяўнасць палітзняволеных у краіне, але і адмоўная ацэнка эканамічнай сітуацыі ў Беларусі з боку МВФ.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам8
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары