Лукашэнка ўвязаў вызваленне палітвязняў з адкрыццём амерыканскага пасольства і фінансавымі пытаннямі
У інтэрв'ю тэлеканалу «Аль-Арабія» Аляксандр Лукашэнка заявіў пра магчымую асабістую сустрэчу з прэзідэнтам ЗША Дональдам Трампам ужо восенню і акрэсліў кола пытанняў, якія падчас яе павінны абмяркоўвацца.
«Перш чым сустракацца з кімсьці, асабліва калі кіраўнікі дзяржаў сустракаюцца, трэба разумець, што будзе ў выніку. Што, з Дональдам Трампам сустрэўшыся, мы можам склеіць, зварыць. Каб людзі атрымалі адказ: ну сустрэліся, і што?» — заявіў Аляксандр Лукашэнка.
Ён адзначыў, што на сустрэчы з Трампам павінна абмяркоўвацца не толькі пытанне вызвалення палітвязняў.
«У нас ёсць пытанні амбасад, у нас ёсць пытанні эканамічнага характару, фінансавага. У нас шмат пытанняў. Гэтыя пытанні павінны быць у адным пакеце. І ў выніку сустрэчы двух прэзідэнтаў павінны быць калі не дамоўленасці, то хаця б намёкі на развязанне гэтых пытанняў», — акрэсліў кола праблем Лукашэнка.
Лукашэнка ўпершыню заклікаў і Расію «пайсці на кампраміс»
Лукашэнка папрасіў прабачэння ў Зяленскага
Лукашэнка: Пры цяперашнім цячэнні вайны Беларусь з Расіяй не змаглі б абараніць беларускай мяжы ад Украіны
Лукашэнка прызнаў, што Расія ва Украіне не дасягнула мэтаў. Патлумачыў гэта тым, што Пуціна падманулі Ватыкан і яўрэйскае лобі
Каментары