Мінскі гарадскі суд сёння вынес прысуд па крымінальнай справе ў дачыненні да былога начальніка сакратарыята савета рэспублікі Глеба Бядрыцкага. Падсудны прызнаны вінаватым у інкрымінаваных яму злачынствах і асуджаны на 8 гадоў пазбаўлення волі з адбываннем у калоніі ва ўмовах ўзмоцненага рэжыму.
Акрамя таго, паводле прысуду ў Глеба Бядрыцкага будзе канфіскавана маёмасць. Таксама ён пазбаўляецца права займаць кіруючыя пасады ў дзяржаўных органах кіравання і пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, тэрмінам на 5 гадоў. Тэрмін адбыцця пакарання вылічаецца з 15 сакавіка 2013 года, у яго будзе ўключаны тэрмін, на працягу якога Бядрыцкі знаходзіўся пад вартай.
Прысуд можа быць абскарджаны ва ўстаноўленым парадку.
***
Глеб Бядрыцкі быў затрыманы ў кастрычніку 2011 года ў сваім працоўным кабінеце па падазрэнні ў крадзяжы шляхам злоўжывання службовымі паўнамоцтвамі і ў злоўжыванні службовым становішчам. Пазней ён накіроўваў прашэнне на імя Лукашэнкі аб вызваленні яго ад крымінальнай адказнасці, але прашэнне было адхілена.
Цяпер чытаюць
Алексіевіч: Адно з самых моцных уражанняў у жыцці — калі я апынулася ў натоўпе ў 2020 годзе12
Каментары