Журналіст Аляксандр Класкоўскі каментуе сітуацыю, якая склалася ў Швецыі з яго дачкой Вольгай Класкоўскай:
«Гэта чыста чалавечая драма, і не трэба яе палітызаваць. На гэтым сюжэце не трэба нікому спекуляваць — ні ўладзе, ні апазіцыі, ні бульварным медыям. А ўвогуле мяне цяпер найбольш хвалюе, каб усё добра вырашылася з унучкай Міраславай.
Што ж да здарэння, у выніку якога Вольга апынулася ў турме, то тут мала інфармацыі, каб рабіць нейкія высновы. Адно што я хачу, каб наступствы для Вольгі аказаліся мінімальна негатыўнымі.
Я хацеў бы звярнуцца да беларускай грамады, да супольнасці, бо ў сацыяльных сетках ідзе такая хваля. Не ведаючы ўсіх акалічнасцяў, не варта ні ў кога, хто датычны да гэтага сюжэту, спяшацца кідаць камяні».
Эмігрантка з Беларусі Вольга Класкоўская 30 сакавіка апынулася ў шведскай турме паводле абвінавачання ў спробе забойства мужа. Дзе яе старэйшая дачка, адзінаццацігадовая Міраслава, невядома. Малодшы сын Адэм, шведскі грамадзянін, верагодна, знаходзіцца пад апекай сацыяльных службаў Швецыі.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай10
Каментары