Аляксандар Мілінкевіч: «Яны імкнуцца нідзе ня даць нам месца».
У суботу, 11 жніўня, рух “За Свободу!” ладзіў пад Заслаўем пікнік — сустрэчу ўсіх прыхільнікаў руху. Прысутнічала каля трохсот чалавек. Мерапрыемства пачалося сьпяваньнем гімну “Магутны Божа”, потым былі круглыя сталы, спартовыя мерапрыемствы, увечары — канцэрт з удзелам бардаў і рок-гуртоў: Касі Камоцкай, “Сцяны”, “Recha”, Зьмітра Вайцюшкевіча. Пад заслону зьявіўся автобус з амонам.
“За фэстам стала сачыла міліцыя — кажа намесьнік кіраўніка руху Юрась Губарэвіч. — Потым яна накапіла сілы да трыццаці чалавек, падагналі автобус з амонам (таксама каля трыццаці чалавек), які ўварваўся проста на танцпляцоўку”. Міліцэйскія чыны патрабуюць усё спыніць, выключыць апаратуру, бо мерапрыемства нікім не санкцыянаванае.
Міліцыя правярае ўсе машыны, якія выяжджаюць з тэрыторыі. Каля пяцідзесяці ўдзельнікаў пікніка трымаюць на танцпляцоўцы. Пакуль нікого не арыштоўвалі. “Прысутнасьць Мілінкевіча стрымлівае міліцыянтаў. Ім відавочна ня хочацца скандалу зь яго ўдзелам”, — кажа Ю.Губарэвіч.
Людзей трымалі на пляцоўцы, пакуль не была згорнутая гукаўзмацняльная апаратура. Пасьля гэтага міліцыя дазволіла пешай калёне і некалькім аўтамабілям з удзельнікамі пікніка пакінуць месца. Прычым машына з апаратурай адразу ж была затрыманая, у кіроўцы забралі правы.
“Нікому не даюць праводзіць ніякіх мерапрыемстваў, а тут мы правялі, і даволі ўдала, вось яны і шалеюць. Яны імкнуцца ўсё забараніць, нідзе ня даць нам месца”, — кажа Аляксандар Мілінкевіч. Палітык усё ж ацэньвае дзень як удалы: “І спорт, і музыка, і арганізацыйны сход руху мы яшчэ раз правялі. Зьбіраемся зноў ісьці на рэгістрацыю”.
Апоўначы прыйшлі аўтобусы, каб адвезьці ўдзельнікаў пікніка ў Менск.
-
Палітвязень Вацлаў Арэшка сустрэў за кратамі 71‑ы дзень нараджэння. Калядную паштоўку яму візуальна апісвалі іншыя
-
Святлана Ціханоўская паведаміла літоўскім парламентарыям пра рашэнне пераехаць у Польшчу
-
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы
Цяпер чытаюць
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы6
Каментары