Расія ўключыла магутны РЭБ-«магніт» у Калінінградзе? Магчыма ў тым прычына, чаму апошнія дні баявыя дроны масава залятаюць у Беларусь
Брытанскія СМІ пішуць, што цэнтральны перадатчык гэтай сістэмы збівае курс палёту беспілотнікаў у заходнім кірунку.
Брытанская газета The Telegraph паведаміла, што Расія, магчыма, выкарыстоўвае спецыяльныя тэхналогіі для ўплыву на навігацыю ўкраінскіх дальнабойных дронаў.
Паводле матэрыялу, гаворка ідзе не пра прамы «перахоп кіравання», а пра стварэнне перашкод для спадарожнікавай навігацыі (GPS/GNSS). Сутнасць яго ў тым, што сігнал спачатку глушыцца, а потым падмяняецца фальшывымі каардынатамі. У выніку дрон можа «лічыць», што знаходзіцца ў іншым месцы, і змяняць курс — напрыклад, адхіляцца ў бок краін Балтыі або Фінляндыі.
Выданне сцвярджае, што цэнтрам такой сістэмы можа быць магутны перадатчык у Калінінградскай вобласці, які ўжо некалькі гадоў, паводле розных ацэнак, стварае GPS-перашкоды ў Балтыйскім рэгіёне. Эксперты таксама адзначаюць, што падобныя тэхналогіі могуць уплываць не толькі на каардынаты, але і на ўнутраны час навігацыйнай сістэмы, што можа прывесці да збояў у працы дрона або нават яго поўнай адключкі.
Праўда, The Telegraph не прыводзіць поўных тэхнічных доказаў. Матэрыял заснаваны на аналізе інцыдэнтаў у рэгіёне, меркаваннях спецыялістаў і даных, якія, паводле некаторых экспертаў, паказваюць прыкметы так званага spoofing (падмены GPS-сігналу) каля эстонскай мяжы.
Падобныя сцвярджэнні гучалі і раней: краіны Балтыі абвінавачвалі Расію ў перанакіраванні дронаў. У Расіі, у сваю чаргу, сцвярджаюць, што Украіна нібыта можа выкарыстоўваць тэрыторыю Балтыі для запуску дронаў.Самі балтыйскія краіны і краіны Паўночнай Еўропы адмаўляюць свядомае выкарыстанне сваёй тэрыторыі для атак і называюць супрацьлеглыя заявы дэзынфармацыяй.
У Латвіі непадалёк ад мяжы з Беларуссю ў возера грымнуўся дрон
На Сенненшчыне ўпаў беспілотнік
У Літве зноў абвяшчалі паветраную трывогу
МЗС выклікала часовага паверанага Літвы, заяўляе пра парушэнне мяжы ўкраінскім беспілотнікам
Дроны залятаюць у Беларусь амаль штодня, прызналі ў войску
Міністр абароны Эстоніі паведаміў, што сілы СПА ўпершыню збілі беспілотнік
Каментары