Напалеон Орда і Цётка — выходзяць наступныя чатыры кнігі з серыі «100 выдатных дзеячоў»
Апроч іх, падрыхтаваныя брашуры пра Каруся Каганца і Мечыслава Карловіча.
Цягам трох тыдняў у продажы з’явяцца чатыры наступныя кнігі з серыі «100 выдатных дзеячоў беларускай культуры».Заснавальнік серыі Анатоль Тарас кажа, што найлепш кнігі серыі прадаюцца не ў кнігарнях, а ў гандлёвых цэнтрах.
«Я мяркую, што гэта адбываецца так. — кажа спадар Тарас. — Муж з жонкай прыходзіць у краму па ежу, і пакуль жонка абірае прадукты, ён глядзіць іншыя тавары, у тым ліку кнігі, таму і цікавасць да нашых выданняў у гандлёвых цэнтрах выйшэйшая. Асабліва ў рэгіёнах».
Наступнымі ў серыі выйдуць:Напалеон Орда (аўтар — Вітаўт Чаропка)
Цётка (аўтар — Алесь Марціновіч)
Карусь Каганец (аўтар — Алесь Пашкевіч)
Мечыслаў Карловіч (аўтар — Ірына Шумская)
«Ва ўсіх кнігах будзе, як і планавалася, 64 старонкі. — кажа спадар Тарас. — Але ў кніжцы пра Орду будзе 23 старонкі ілюстрацый, кожная памерам на старонку, а ў кнізе пра Каганца толькі дзесяць невялікіх. Цягам года выйдзе яшчэ як мінімум пяць кніг з серыі».
У серыі ўжо выйшлі кнігі, прысвечаныя Міхаілу Андрыёлі, МітрафануДоўнар-Запольскаму і Фларыяну Ждановічу.
Па словах Анатоля Тараса,
у серыі будуць выходзіць кнігі, прысвечаныя дзеячам культуры XIX — XX cтагоддзяў, якія ўвасаблялі нацыянальныя погляды на гісторыю, мастацтва, народную і прафесійную культуру Беларусі.Гэта людзі, якія працавалі на Беларусі ўсё жыццё або значную частку жыцця.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі58
Каментары