V фэст экскурсаводаў: унікальныя бясплатныя экскурсіі 19—21 красавіка - расклад
На гэтым тыдні ў Беларусі пройдзе V фэст экскурсаводаў, падчас якога ўсе ахвотныя змогуць абсалютна бясплатна паўдзельнічаць у экскурсіях па славутых мясцінах краіны. «НН» пагутарыла з адным з арганізатараў мерапрыемства, прадстаўніком ГА «Беларускі камітэт ІКАМОС» Цімохам Акудовічам пра асаблівасці фэсту сёлета.
«НН»: Колькі экскурсій запланавана ў праграме фэсту?
Цімох Акудовіч: Сёлета пройдзе каля 100 экскурсій. 50 з іх запланавана ў Мінску, яшчэ палова — у рэгіёнах. Пры гэтым у рэгіёнах некаторыя экскурсіі можна будзе наведаць у чацвер і пятніцу, а таксама на выхадных. У Мінску ж усе экскурсіі пройдуць у суботу і нядзелю.
«НН»: Пяты фэст падтрымала Міністэрства спорту і турызму. У чым заключаецца падтрымка?
ЦА: Так, сёлета дэпартамент па турызме аказвае нам інфармацыйную падтрымку і таксама выдасць афіцыйныя падзякі экскурсаводам.
«НН»: У мінулым годзе некаторыя экскурсіі не адбыліся праз забарону ўладаў. Ці магчыма паўтарэнне сітуацыі?
ЦА: Насамрэч, у мінулым годзе некалькі экскурсій па Гродне не адбыліся, бо іх палічылі масавымі мерапрыемствамі. Сёлета мы ўжо паклапаціліся аб узгадненні экскурсій з мясцовым кіраўніцтвам.
«НН» На якой мове будуць праводзіцца экскурсіі?
ЦА: Большасць —
«НН»: Паведамлялася, што ў 2013 годзе асобы акцэнт зробяць на магчымасць доступу да экскурсій людзей з абмежаванымі магчымасцямі.
ЦА: Сёлета з аргкамітэтам фэсту супрцоўнічалі адмысловыя арганізацыі, якія распрацавалі экскурсійныя маршруты для інвалідаў па слыху і зроку, а таксама для інвалідаў вазочнікаў. Усе спецыялізаваныя экскурсіі пройдуць у Мінску, а пасля перспектыва развіцця падобных маршрутаў будзе абмеркавана на круглым стале.
Расклад экскурсій глядзіце тут.
Цяпер чытаюць
Святлана Ціханоўская завяла трэдс. Што ёй пішуць беларусы?4
Каментары