У Фінляндыі дырыжор так старанна кіраваў аркестрам, што выбіў з рук музыканткі скрыпку XVIII стагоддзя
На канцэрце Sinfonia Lahti ў Фінляндыі адбыўся прыкры выпадак: падчас выканання скрыпічнага канцэрта з рук салісткі Эліны Вяхяля выпала вельмі каштоўная скрыпка XVIII стагоддзя, паведамляе yle.fi.
Паводле паведамленняў, інцыдэнт здарыўся ў фінале твора. Дырыжор, актыўна кіруючы аркестрам, выпадкова зачапіў інструмент сваёй рукой, і скрыпка вылецела з рук музыканткі. Інструмент упаў на падлогу, але, як адзначае сама Вяхяля, ёй удалося ў апошні момант падставіць нагу, каб змякчыць падзенне.
Гэта скрыпка — рэдкі інструмент італьянскага майстра XVIII стагоддзя Джавані Батыста Гваданьіні. Яе цана можа дасягаць ад аднаго да некалькіх мільёнаў еўра. Але для музыканткі, як яна сцвярджае, важнейшы нават не кошт, а тое, што інструмент гадамі «прывык» да яе і стаў часткай яе гучання і стылю.
Пасля інцыдэнту канцэрт быў ненадоўга спынены. Інструмент агледзелі, яго падстроілі і выступ працягнуўся далей. Аднак музыкантка адзначыла, што гук скрыпкі крыху змяніўся — магчыма, зрушыўся адзін з элементаў або крыху разышлося шво.
Цяпер інструмент адправілі на агляд да спецыялістаў-рамонтнікаў. Папярэдне лічыцца, што пашкоджанні нязначныя, але гэта патрабуе праверкі.
Дырыжор пасля інцыдэнту папрасіў прабачэння, а аркестр падтрымаў салістку. Сама яна зла не трымае і спадзяецца хутка вярнуць сваю скрыпку ў працоўны стан для наступных канцэртаў.
У Гродне мужчына забраў чужую скрыпку сам не ведаючы для чаго
«Руская скрыпка на Браншчыне — феномен, пра які вы і не ведалі». Беларусаў раззлавала прыўлашчванне іхняй нацыянальнай культуры
Пасля скандалаў вакол няўдалых пастановак галоўнага балетмайстра Тэатра оперы і балета абвінавацілі ў плагіяце
Былы кіраўнік Прэзідэнцкага аркестра трапіў пад атаку дронаў у Данецку
Каментары