Севярынец: Трэба паставіць рубам пытанне пра Гайдукова
Палітвязень, лідар Хрысціянскай дэмакратыі, выступіў з заклікам увагі да дзіўнай справы Гайдукова, абвінавачанага ў здрадзе радзіме.
Прапануем тэкст звароту.
«Дарагія сябры!
Справа Гайдукова – гэта справа кожнага з нас.
У бальшавіцкія часы страшнае абвінавачванне – «здрада Радзіме» — кідалі ў твар як раз тым, хто быў гатовы за Радзіму аддаць жыццё.
Шпіянаж, праца на замежныя разведкі – гэта частка той хлусні, якая павінна была не толькі знішчыць чалавека, але і запэцкаць яго памяць.
Таму зараз, калі ніякіх доказаў віны Андрэя не было прадстаўлена за 5 месяцаў і яму пагражае працяг следства і яшчэ месяцы, а магчыма і гады ў турме, нам неабходна:
1. Паставіць рубам перад палітыкамі, праваабаронцамі і міжнароднай супольнасцю пытанне аб прызнанні Гайдукова палітвязнем.
2. Арганізаваць Хвалю Салідарнасці, лісты, дапамогу сям’і, звароты, акцыі ў падтрымку Андрэя Гайдукова.
3. Маліцца за вызваленне Андрэя, за знішчэнне страху ў якім рэжым хоча трымаць Беларусь праз такія «шпіёнскія» справы.
Разам з Божай дапамогай — здолеем!
Верым! Можам! Пераможам!
Павал Севярынец»
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары