Прэзідэнт Сербіі Таміслаў Нікаліч выбачыўся за масавае забойства баснійскіх мусульман у Срэбраніцы ў 1995 г., а таксама за ўсе злачынствы, учыненыя сербамі ў Босніі і Герцагавіне. Такую заяву ён зрабіў у ходзе інтэрв'ю баснійскаму тэлеканалу BHT.
Нікаліч адзначыў, што ён «на каленях просіць дараваць Сербіі за злачынства, здзейсненае ў Срэбраніцы». У той жа час, прэзідэнт заўважыў, што трэба яшчэ даказаць, што тое, што адбылося сапраўды было генацыдам.
Інтэрв'ю з Нікалічам павінна быць паказана ў эфіры баснійскага тэлебачання 7 мая, аднак яго ўрыўкі ўжо цяпер даступныя ў інтэрнэце.Чакаецца, што ў хуткім часе прэзідэнт можа наведаць Срэбраніцу, адзначае сербскае выданне B92.
Раней Нікаліч ужо адмаўляўся прызнаваць разню ў Срэбраніцы генацыдам. У прыватнасці, у ліпені 2012 года ён заяўляў, што «некаторыя сербы» здзейснілі ў гэтым селішчы «сур'ёзныя ваенныя злачынствы».
У 2010 г.парламент Сербіі прыняў рэзалюцыю, якая асуджае разню ў Срэбраніцы.Заканадаўцы прынеслі спачуванні сваякам загінулых. У той жа час, злачынства, здзейсненае ў 1995 г., у дакуменце не называлася генацыдам, хоць Міжнародны трыбунал па былой Югаславіі і Міжнародны суд ААН класіфікавалі яго менавіта так.
***
У ліпені 1995 падчас ваеннай аперацыі баснійскія сербы захапілі баснійскі анклаў Срэбраніца і пакаралі смерцю амаль усе яго мужчынскае мірнае насельніцтва. У выніку былі забітыя да 8 000 чалавек узростам ад 13 да 77 гадоў.
Адказным за ажыццяўленне разні лічыцца Ратка Младзіч, былы начальнік генеральнага штаба ўзброеных сіл Рэспублікі Сербскай. У 2011 годзе ён быў арыштаваны, яго справа разглядаецца ў Міжнародным трыбунале па былой Югаславіі.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары