Вярхоўны суд у штаце Пешавар пажыццёва забараніў экс-лідару Пакістана Первезу Мушарафу балатавацца ў прэзідэнты. Былы прэзідэнт знаходзіцца пад хатнім арыштам.
Раней суд не задаволіў апеляцыю Мушарафа на адмову зарэгістраваць яго для ўдзелу ў выбарах у маі.
Згодна з пастановай суда, Мушараф страціў права балатавацца ў прэзідэнты, бо на гэтай пасадзе ён распарадзіўся адправіць у адстаўку і затрымаць некалькі суддзяў,
а таксама двойчы прыпыняў дзеянне канстытуцыі.
Адвакаты Мушарафа заявілі, што будуць абскарджваць рашэнне Вярхоўнага суда.
Раней іншы суд падоўжыў тэрмін утрымання экс-прэзідэнта пад вартай па абвінавачванні ў датычнасці да забойства былога прэм'ер-міністра Беназір Бхута ў 2007 годзе.
Мушараф у сакавіку вярнуўся ў Пакістан з добраахвотнай высылкі, спадзеючыся ў маі прыняць удзел у выбарах на чале сваёй партыі Усепакістанская мусульманская ліга.
Каментары