Аператар «МТС»: Мужчыны карыстаюцца мабільным нэтам на 32% больш актыўна, чым жанчыны
Як паведамілі БелаПАН у кампаніі «МТС», у красавіку 2013 года абанент-мужчына выкарыстоўваў паслугі перадачы даных на 32% больш інтэнсіўна, чым жанчына, пра што сведчыць сярэднямесячны трафік у разліку на абанента. Попыт на мабільны інтэрнэт у мужчын нязменна высокі нават нягледзячы на тое, што колькасць актыўных інтэрнэт-карыстальнікаў жаночага полу на 3% большая за мужчынскую.
У карыстанні галасавымі паслугамі беларускія жанчыны па-ранейшаму па-за канкурэнцыяй: сярэднямесячнае спажыванне галасавога трафіку жанчынай на 13% перавышае аналагічны паказчык у мужчыны.
Лідарства за жанчынамі і ў напісанні SMS: прадстаўніца слабага полу штомесяц адпраўляе на 26% больш кароткіх паведамленняў, чым мужчына.
Абаненцкая база МТС найбуйнейшая ў краіне — гэта 52% жанчын і 48% мужчын, што практычна адлюстроўвае раздзяленне беларускага насельніцтва па гендарным крытэрыі. Паводле даных Белстата, сёння ў Беларусі жыве 9,5 млн. чалавек — 5,1 млн. жанчын і 4,4 млн. мужчын. Паслугамі мабільнага аператара МТС карыстаюцца больш як 5,23 млн. абанентаў.
Сумеснае ТАА «Мабільныя ТэлеСістэмы» зарэгістравана 4 красавіка 2002 года. Заснавальнікамі з'яўляюцца РУП «Белтэлекам» (51% статутнага фонду) і расійскае ААТ «Мабільныя ТэлеСістэмы» (49%). Камерцыйная эксплуатацыя сеткі сотавай сувязі стандарту GSM 900/1800 пачалася 27 чэрвеня 2002 года, сеткі 3G — у маі 2010 года.
Дзядок расказаў, як паводзіў бы сябе ў сённяшняй Беларусі і што будзе далей5
Каментары