Карла дэль Понтэ: Ёсць падазрэнні, што хімічную зброю ўжыла сірыйская апазіцыя
Былая пракурор Міжнароднага трыбунала цяпер працуе ў камісіі ААН па расследаванні падзей у Сірыі.
Супрацоўнікі праваабарончай камісіі ААН сабралі сведчанні ахвяраў грамадзянскай вайны ў Сірыі і дактароў, якія паказваюць, што нервова-паралітычны агент зарын маглі выкарыстоўваць паўстанцы. Пра гэта заявіла ў адна з кіраўніц камісіі Карла дэль Понтэ. Сведчанняў таго, што хімічную зброю прымянялі ўрадавыя войскі, няма, заявіла дэль Понтэ. Ужыццё хімічнай зброі забаронена міжнароднымі канвенцыямі.
«Нашы следчыя сустракаліся з ахвярамі, дактарамі і персаналам шпіталёў у суседніх з Сірыяй краінах і, згодна з іх справаздачамі, ёсць моцныя, але пакуль не неабвержныя доказы таго, што быў ужыты хімічны агент зарын», — сказала дэль Понтэ ў інтэрв'ю швейцарскаму італьянамоўнаму тэлеканалу.
«Яго ўжывала апазіцыя, паўстанцы, не ўрадавыя сілы», — дадала яна.
Карла дэль Понтэ стала вядомай у якасці пракурора Міжнароднага трыбунала па былой Югаславіі. Сярод іншых, яны займалася справай экс-прэзідэнта Сербіі Слабадана Мілошавіча. Мілошавіч памёр у камеры ў Гаазе. Як паказала расследаванне, ён давёў сябе да смерці, спыніўшы прыём жыццёва неабходных сардэчных прэпаратаў. Цяпер дэль Понтэ займаецца канфліктам у Сірыі.
Каментары