У памяшканьне, дзе праходзіла сустрэча Аргкамітэту Беларускай хрысьціянскай дэмакратыі, уварваліся міліцыянты і арыштавалі ўсіх прысутных, спасылаючыся на тое, што, паводле інфармацыі, у памяшканьні адбываецца сход вядомай бандыцкай групоўкі..
У горадзе над Бугам затрымалі некалькі дзясяткаў сходу БХД. Іх палічылі вядомай бандыцкай групоўкай.
Прыкладна а 16.30 у памяшканьне, дзе праходзіла сустрэча Аргкамітэту Беларускай хрысьціянскай дэмакратыі, уварваліся міліцыянты і арыштавалі ўсіх прысутных, спасылаючыся на тое, што, паводле інфармацыі, у памяшканьні адбываецца сход вядомай бандыцкай групоўкі.
Адразу ж пасьля гэтага міліцыянты літаральна загрузілі ўсіх прысутных (каля 40 чалавек) у міліцэйскія машыны й даставілі ў Савецкі РАУС Берасьця. Цяпер у затрыманых бяруць тлумачэньні. Паўла Севярынца, які таксама ўдзельнічаў у сходзе, міліцэйскае кіраўніцтва прымусіла застацца ў памяшканьні, дзе адбываўся сход, каб прысутнічаць пры ператрусе. Калі Павал спрабаваў стэлефанавацца з журналістамі, намесьнік начальніка РУУС Сьцяпанаў забраў у палітыка тэлефон.
* * *
На затрыманых у Берасьці прыхільнікаў аргкамітэту БХД складаюць пратаколы за ўдзел у масавым несанкцыянаваным мерапрыемстве. Пра гэта Хрысьціянскаму праваабарончаму дому паведаміў Андрэй Любянчук.
Варта адзначыць, што сустрэча адбывалася ў памяшканьні берасьцейскай ўправы Партыі БНФ і была ўзгодненая з кіраўніцтвам арганізацыі.
Каментары