16 мая а 21-й з турмы на Акрэсціна выйшаў журналіст Зміцер Галко. Журналіста асудзілі на 10 сутак нібыта за непадпарадкаванне міліцыі і хуліганства.
Дзмітрыя Галко сустракалі сваякі — маці, жонка, прадстаўнікі БАЖ, рэдактар газеты «Новы час» Аляксей Кароль, а таксама калегі з Радыё Рацыя. Д. Галко распавёў пра жудасныя антысанітарныя ўмовы ўтрымання — у камеры былі вошы.
Паводле Галко, на пытанне міліцыянтам чаму яго затрымалі, адзін з іх адказаў: "На цябе была замова".
Увечары 6 мая Дзмітрый Галко і Аляксандр Ярашэвіч вярталіся ад турмы на Акрэсціна, дзе сустракалі затрыманых падчас шэсця «Чарнобыльскі шлях». Калі яны падыходзілі да станцыі метро, побач спыніўся спецназаўскі мікрааўтобус. Хлопцаў затрымалі і адвезьлі ў Маскоўскае РУУС, дзе яны і правялі ноч.
7 мая суддзі Яўген Хаткевіч і Таццяна Матыль асудзілі Дзмітрыя Галко на 10 сутак, а Аляксандра Ярашэвіча на 12 сутак арышту. Журналістаў прызналі вінаватымі ў парушэнні двух адміністрацыйных артыкулаў — 23.4 (непадпарадкаванне міліцыі) і 17.1 (хуліганства).
Аляксандр Ярашэвіч выйдзе на волю ў суботу.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці48
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары