Як паведаміў заяўнік акцыі праваабаронца Уладзімір Вялічкін, ён запланаваў адзіночнае пікетаванне 4 жніўня з 13.00 да 15.00 у вызначаным гарвыканкамам для такіх мерапрыемстваў месцы: каля сцэны ў парку воінаў-інтэрнацыяналістаў.Мэта пікета — выказаць пратэст супраць незаконнага, паводле яго меркавання, прысуду, вынесенага віцэ-прэзідэнту Міжнароднай федэрацыі правоў чалавека, а таксама прыцягнуць увагу да праблемы палітзняволеных у Беларусі.
"Брэсцкі гарвыканкам забараніў пікетаванне з матывіроўкай, што я не заключыў дагаворы з органамі ўнутраных спраў, установай аховы здароўя і камунальным прадпрыемствам, — дапоўніў Вялічкін. — Я лічу такія патрабаванні да пікета, у якім удзельнічае адзін чалавек, празмернымі. Таму мяркую, што адмова ў правядзенні акцыі надуманая".
Н думку праваабаронцы, улады проста не жадаюць прыцягваць увагу да праблем парушэння правоў чалавека ў Беларусі. Адмову ў правядзенні гэтай акцыі ён мае намер абскардзіць у судзе.
Вялічкін нагадаў, што раней падаваў заяўкі на правядзенне двух пікетаў у падтрымку Бяляцкага: у 2011 і ў 2012 гадах. Абедзве акцыі таксама былі забароненыя Брэсцкім гарвыканкамам.
Цяпер чытаюць
Прапаганда рыхтуе грамадства да загадкавай «працяглай камандзіроўкі» Лукашэнкі21
Каментары