Члена Цэнтральнай камісіі па выбарах і правядзенні рэспубліканскіх рэферэндумаў Святлану Хіневіч знайшлі забітай ва ўласнай кватэры 4 жніўня. Інфармацыя пра смерць высокапастаўленага чыноўніка з’явілася на сайце ЦВК праз чатыры дні.
«Святлану Хіневіч знайшоў зарэзанай дома яе сын, — паведаміў «Салідарнасці» сакратар Цэнтральнай камісіі па выбарах і правядзенні рэспубліканскіх рэферэндумаў Мікалай Лазавік. — Гэта адбылося 4 жніўня. Я сам спрабаваў высветліць падрабязнасці ў органах, якія вядуць расследаванне забойства. Задаў пытанне следчаму, папрасіў яго расказаць дэталі ў рамках дазволенага.
Мне адказалі, што следства вядзецца і ў яго інтарэсах не выдаваць дэталі.
***
Святлана Хіневіч нарадзілася ў 1959 годзе ў Мінску. У 1981 годзе скончыла БДУ.
У снежні 2011 года была выбрана членам Цэнтрвыбаркама. На той момант яна працавала начальнікам упраўлення кадраў і ідэалагічнай работы ДУ «Галоўнае гаспадарчае ўпраўленне «Кіраўніцтва справамі прэзідэнта».
У апошні час займала пасаду начальніка аддзела па кадравай працы РУП «Мінск Крышталь».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў11
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары