Пухавіцкім раённым аддзелам Следчага камітэта расследуецца крымінальная справа, распачатая па факце крадзяжу сейфа з грашовымі сродкамі з бухгалтэрыі раённага спажывецкага таварыства.
Як паведаміла БелаПАН афіцыйны прадстаўнік упраўлення СК па Мінскай вобласці Таццяна Беланог, супрацоўнікі прадпрыемства прыйшлі раніцай 26 жніўня на працу і выявілі знікненне сейфа, у якім было каля 40 мільёнаў рублёў, дакументы і іншая маёмасць.
На месцы здарэння следча-аператыўная група ўстанавіла, што злачынцы праніклі ў памяшканне шляхам падбору ключа, калі на прадпрыемстве быў выхадны. Падчас агляду следчыя звярнулі ўвагу на тое, што пранікнуць у памяшканне не склала цяжкасці, бо тэрыторыя прадпрыемства ахоўваецца толькі вартаўніком. Кабінет бухгалтэрыі ахоўнай сігналізацыяй не абсталяваны.
Кола асоб, што маюць дачыненне да злачынства, неўзабаве было ўстаноўленае. Падазронымі з'яўляюцца трое мясцовых жыхароў. Цяпер следчыя высвятляюць ролю і дачыненне кожнага з фігурантаў. Двое з іх знаходзяцца пад падпіскай аб нявыездзе. Частку выкрадзеных грошай яны ўжо вярнулі. Трэці затрыманы.
Органамі папярэдняга следства будзе ўнесена прадстаўленне ў адрас кіраўніцтва прадпрыемства аб ліквідацыі множных парушэнняў, якія спрыялі ўчыненню злачынства.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары